„Едвај чекам да станам баба!“ - Мајката на Џиџи ја потврди бременоста, фановите го открија полот

Детали

четврток, 30 април 2020

После шпекулациите за бременоста на Џиџи, сега имаме и официјална потврда – мајката на супермоделот, Јоланда Фостер, изјави дека нејзината ќерка очекува дете со Зејн Малик.

На Јоланда сè уште не ѝ се верувало, но била пресреќна:

„Секако дека сме возбудени. Возбудена сум што ќе станам баба во септември.“

Интересно е што откако се раширија гласините за бременоста на Џиџи, фановите веднаш почнаа да бараат „знаци“ на нејзините објави од роденденската забава.

Наводно, забавата не била само по повод 25-тиот роденден на Џиџи, туку и за откривање на полот на бебето.

Првиот „знак“ била бојата на конецот на балоните – сина и розова. А, бидејќи Џиџи го држела балонот со син конец, веројатно станува збор за момче.

И сестрата на Џиџи, Бела, помогнала во „разоткривањето“ - таа сподели „Instagram Story“ на кое се гледаат подароци во кеса за мало дете. Бела објави уште едно Story, на кое ја покрила кесата со подарок, а на која всушност пишува „Добредојде малечко“.

Последното нешто што ги убедило фановите е описот на објавата на Џиџи, каде што моделот напиша дека никогаш нема да го заборави 25-тиот роденден.

Во меѓувреме, TMZ, сајтот што меѓу првите ги објави вестите, сподели дека парот очекува девојче.

Спирова С. | Црнобело