Рак, мозочен удар, насилен сопруг: Мрачни факти за животот на Тина Тарнер во новиот документарец за неа

Детали

вторник, 16 март 2021

Вториот сопруг на Тина Тарнер е 16 години помлад од неа, ѝ донирал бубрег за трансплантација, а со него стапи во брак на 73-годишна возраст. Вели дека тој е мажот кој конечно ѝ донел среќа. Во љубов се 30 години, а таа му пристапила прва.

Музичката легенда Тина Тарнер во новиот документарен филм снимен за неа говори за нејзината успешна 6-децениска кариера, но и за целата злоупотреба и дискриминација што ја почувствувала притоа.

Документарниот филм е наследство и подарок од 81-годишната Тина за нејзините фанови. Во него се вклучени емоционални интервјуа со пејачката во кои се сеќава на детството, сиромаштијата, собирањето памук од полињата во Тенеси, заминувањето на нејзината мајка, поради тоа што татко ѝ на Тина ја злоупотребувал, но и пејачкото деби на Тина со нејзиниот насилен сопруг Ајк Тарнер и нејзините осаменички години, дури и кога била најдобрата светска женска рок ѕвезда.

Тина говори искрено за себе, но и се буни секој пат кога е портретирана само како жртва на физичка, емоционална и сексуална злоупотреба од страна на Ајк и кога и по разделбата со него новинарите се интересираат само за тоа, а не за нејзината легендарна кариера.

„По целиот успех што го постигнав луѓето сѐ уште зборуваат само за Ајк и Тина“, изјави таа во една пригода и вели дека не била заинтересирана да ја раскаже таа срамна приказна од нејзиниот живот, но чувствувала дека само така новинарите ќе ѝ се симнат од грбот.

Тина проговори за нејзината траума многу одамна, уште во време кога беше реткост некоја јавна личност јавно да истапи со таква исповед.

Во тој период Опра за себе и за Тина изјави: „Никој не зборуваше за сексуалната, физичката, семејната злоупотреба. Нашата генерација е таа што треба да ја скрши тишината“. Инаку, Опра отворено говореше за тоа што доживеала злоставување како дете.

Тарнер признава дека и денес пред очи ѝ се јавуваат слики од моментите кога била претепувана. „Таа сцена ти се враќа, сонуваш, но вистинската слика е тука, тоа е како клетва“, изјави таа.

Инаку, по целата таа траума Тина изјави дека му простила на сопругот. Инаку, Ајк почина од предозирање со дрога во 2007 година.

Приказната продолжува на следната страна...