Милош Биковиќ и турската ѕвезда, позната како Хурем, во гламурозни изданија на црвен тепих во Русија (фото)

Детали

петок, 23 април 2021

Голем број актери се собраа вчера по повод отворањето на Интернационалниот филсмки фестивал во Москва. Меѓу многуте успешни имиња во руската филмска индустрија, беа и двајца актери што се мошне познати и за македонската публика: српскиот актер Милош Биковиќ и турската актерка Мерием Узерли.

Српскиот актер Милош Биковиќ откако ги освои срцата на публиката на просторите на поранешна Југославија, сега е сѐ поактивен во руската кинематографија.

Тој во последните неколку години живее на релација Белград – Москва. На 43-иот по ред Интернационален филмски фестивал во Москва, кој беше свечено отворен вчера (22.04), Биковиќ се појави на црвениот тепих, а со фотографија од настанот се пофали и на својот Инстаграм профил.

Како што пишува до фотографијата за неговиот изглед се погрижи Бунело Чучинели, а мора да признаеме дека како и вообичаено, Биковиќ изгледа прекрасно, па јасно е зошто често за него пишуваат дека е заводник и лесно ги освојува женските срца.

„Го отворивме ММКФ и едвај чекам да гледам филмови, да запознаам творци. Ќе биде ова убава недела. Пу, пу, пу... “ - напиша Биковиќ.

Инаку, освен Биковиќ, на црвениот тепих во Москва се појави уште една актерка што ѝ е позната на македонската публика, а тоа е Мерием Узерли, која ја играше Хурем во серијата „Сулејман Величествениот“.

Како што нагласи на Инстаграм профилот, на 25-ти месецов, во рамки на фестивалот ќе биде прикажан нејзиниот филм „Кован“.

На англиски филмот е преведен „Kepping the bees“, а ја следи приказната за една девојка која го напушта животот во градот и се враќа во планините од нејзиното детство.

Таа ја исполнува последната желба на нејзината мајка и се грижи за пчелите.

Инаку фестивалот беше отворен во „Кино Русија“ на плоштадот Пушкин. Поради новонастанатата состојба со светската пандемија, голем дел од настаните ќе се оддржат во живо, а дел ќе бидат презентирани онлајн. Исто така воспоставени се рестрикции за посетеноста и престојот во филмските сали.

Повеќе фотографии во продолжение:

Б. С. Б. | Црнобело