Џеј Ло и Бен Афлек „уловени“ заедно на патување – дали старата љубов е причина за разделбата со Алекс? (фото)

Детали

вторник, 11 мај 2021

Во последниот период постојано се шират гласини дека е можна нова љубовна врска помеѓу Бен Афлек и Џенифер Лопез, а сега стигнаа и првите фотографии на кои познатата двојка ја гледаме заедно. За мало потсетување, Бен и Џенифер беа заедно пред 17 години.

Daily Мail објави ексклузивни фотографии на кои можеме да ја видиме двојката заедно како се враќа наводно од луксузно патување.

Британскиот портал пишува дека актерот ја однел поранешната свршеница на романтично патување со неговиот приватен авион. Парот наводно бил на романтично викенд патување во луксузно ски-одморалиште во Монтана, каде актерот поседува својa вила.

На фотографиите ги гледаме Бен и Џенифер во опуштено издание во автомобилот и на аеродромот и ова се први фотографии на коишто двојката е заедно, откако претходно, по раскинувањето на врската помеѓу Џенифер Лопез и Алекс Родригез кружеа гласини дека нејзиниот поранешен свршеник во неколку наврати го посетувал нејзиниот дом.

Фотографиите се направени за време на нивното враќање во Лос Анџелес, додека се симнувале од авионот.

Актерот неодамна ги разгоре гласините така што јавно проговори за својата поранешна љубов и откри дека ѝ се восхитува на нејзината убавина, но и на нејзината амбиција. 

Прочитајте повеќе: Бен Афлек јавно ѝ се додворува на бившата Џеј Ло: „Како е можно да изгледаш исто како во 2003-та?“

Со сите претходни случувања и раскинувањето на Џеј Ло со Алекс, сега фановите се сигурни дека помеѓу Џеј Ло и Бен Афлек повторно се вратила љубовната искра. Но, останува да видиме што ќе се случува по овие заеднички фотки.

Инаку, двојката претходно ја објави својата свршувачка во 2002-та година, но во 2003-тата ја одложија венчавката и официјално се разделија во 2004-тата година.

Б. С. Б. | Црнобело