Мајкл Бубле и Луисана Лопилато со емотивни пораки по повод 8-иот роденден на синот кој на 3 години се бореше со ракот

Детали

вторник, 31 август 2021

„Мојот херој наполни 8 години... Нè научи што значи да се бориш и да победиш“ – пејачот Мајкл Бубле и неговата сопруга Луисана Лопилато упатија емотивни пораки по повод 8-иот роденден на синот Ноа, кој на само 3-годишна возраст се бореше со ракот.

Канадскиот пејач Мајкл Бубле (45) му оддаде почит на неговиот син Ноа по повод осмиот роденден.  Во 2016-тата година, пејачот мораше да направи двегодишна пауза со музичката кариера откако на неговиот син Ноа му беше дијагностициран рак на 3-годишна возраст. 

За среќа на неговиот 4-ти роденден во 2017-тата година на Мајкл и на неговата сопруга Луисана Лопилато им беше соопштено дека нивното дете е излекувано.

Сега 4 години подоцна, (на 27.08) кога Ноа наполни 8 години, славниот пејач и актерката упатија емотивни пораки на социјалните мрежи:

„Денес мојот херој полни 8 години! Никогаш не сум запознал некој што е толку многу храбар... Никогаш не сум познавал некој друг што е толку мил и со добро срце.

Никогаш нема да бидам во можност да кажам колку сум горд и колку е длабока мојата и љубовта на твојата мајка за тебе. Ти нè правиш благословени секој ден. Се надеваме дека Бог ќе те благослови на овој посебен ден, Среќен Роденден Ноа“ – напиша Мајкл Бубле.

Тој сподели две фотографии, една од Ноа кога бил бебенце и една понова на која тие заедно се гушкаат.

По повод роденденот на нивниот мал херој, со емотивна порака на Инстаграм се огласи и мајката Луисана Лопилато, која кај нас е позната по улогата на Миа Колучи во „Млади бунтовници“. Таа објави кратко видео со фотографии од Ноа и до него напиша:

„Ноа на мојот живот! Мојот прв син! Тој што ме научи како да бидам мајка, ти ме направи најсреќна жена откако дојде во нашите животи. Многу сме среќни што можеме да уживаме во сите мигови со тебе, да те гледаме како растеш секој ден со таа силна светлина што ја шириш околу себе! Ве сакам сите... Ти благодарам, малечко мое, што нè научи што значи да се бориш и да победиш“ – напиша меѓу другото Луисана.

Инаку Луисана Лопилато и Мајкл Бубле стапија во брак во 2011-тата година, тие заедно имаат три деца, ќерката Вида Амбер Бети (3) и синот Елиас (5).

Погледнете повеќе нивни фотографии во продолжение:

Б. С. Б. | Црнобело