Ќерката на Пол Вокер (22) се омажи – Вин Дизел, најдобриот пријател на татко ѝ, ја однесе до олтарот (фото+видео)

Детали

сабота, 23 октомври 2021

Медоу Вокер, ќерката на Пол Вокер, се омажи за нејзиното момче – актерот Луис Торнтон-Алан. На венчавката присуствуваше и добриот пријател на нејзиниот татко, Вин Дизел, кој ја однесе и до олтарот.

22-годишната Медоу и нејзиното момче Луис се венчаа по неполна година заедно. Парот ја најави свршувачката во август годинава, само неколку недели откако потврдија дека се пар.

На церемонијата присуствуваше и добриот пријател на покојниот Пол Вокер – Вин Дизел – кој ја однел Медоу до олтарот.

Медоу ги соопшти новостите со неколку Инстаграм објави, вклучувајќи и црно-бело видео со опис:

„Се венчавме!!!“

За посебниот ден Медоу одбрала долга, едноставна венчаница во која изгледа прекрасно.

Момчето Луи носеше црно сако и црни панталони, додека Вин Дизел одбрал светлосин костум и бела кошула.

Медоу Вокер е единствената ќерка на холивудскиот актер Пол Вокер кој го загуби животот во сообраќајка во 2013 година. По трагичната смрт, неговиот добар пријател и колега Вин Дизел се зближи со ќерка му, па дури и ја презеде неговата улога на венчавката и ја испрати до олтарот.

Спирова С. | Црнобело