Алек Болдвин за првпат се појави со своето семејство по трагичниот случај – потиштен и сплотен со саканите

Детали

петок, 29 октомври 2021

Полицијата тврдеше дека не знае каде се наоѓа, а актерот Алек Болдвин за првпат беше фотографиран со семејството во едно мало гратче во САД, по несреќниот случај и смртта на кинематографката Халина Хачинс.

Актерот Алек Болдвин (63) за првпат беше забележан во јавноста по трагедијата што се случи на снимањето на филмот Rust, кога тој случајно ја застрела кинематографката Халина Хачинс (42).

Видно потиштен и истоштен, актерот беше заедно со неговата сопруга Хиларија и децата. Папараците го уловија Алек додека купуваше брза храна во едно мало гратче на Западниот брег на САД.

На фотографиите тој е заедно со дадилката и децата, но Daily Mail тврди дека и неговата сопруга била во непосредна близина.

Во текот на минатата недела од полицијата во САД изјавија дека не знаат каде точно се наоѓа актерот.

Се знае дека тој соработува со полицијата во Санта Фе, Ново Мексико за расветлување на трагедијата што се случи за време на снимањето на филмот Rust кога кинематографката Халина Хачинс го загуби животот.

Засега полицијата нема информации кој донел вистинска муниција на сетот на снимањето на филмот, во кој Болдвин се јавува и како актер и продуцент.

Прочитајте и Милош Биковиќ за снимањето на Južni vetar: „Користиме лажна муниција, но пушка му откина прст на оружарот“

Б. С. Б. | Црнобело