Двејн Џонсон ја изненади мајка му со автомобил за Божиќ: „Таа заслужува многу повеќе, имала тежок живот“ (видео)

Детали

понеделник, 27 декември 2021

Овој Божиќ Двејн Џонсон реши да ја изненади мајка му со автомобил, а мигот кога ѝ го подарува е овековечен на видеото што го сподели на Инстаграм. Денес актерот е еден од најплатените во Холивуд, па во описот вели дека е благодарен и не го зема здраво за готово тоа што може да ја изненадува мајка му на овој начин.

Двејн Џонсон е веќе познат како личноста со најголемо срце во Холивуд, а сега уште еднаш ја покажа својата дарежливост со подарокот што го купи за неговата мајка.

За Божиќ, Двејн ја изненади мајка му со нов автомобил, а емотивниот момент кога ѝ го покажува подарокот го сподели и на Инстаграм.

На видеото, актерот, мајка му, како и двете помали ќерки стојат пред автомобилот. Најпрво 49-годишниот актер ѝ ги покрива очите на неговата 73-годишна мајка, а кога ѝ покажува подарокот нејзината радост е повеќе од очигледна.

Двејн е еден од најдобро платените актери во Холивуд и на сите им е јасно дека може да си дозволи ваков подарок, но во описот на видеото тој ја покажува и неговата скромност, истакнувајќи дека е пресреќен што може да ја израдува мајка му на овој начин.

„Ја изненадив мајка ми со нов автомобил за Божиќ. Беше шокирана. Малку се расплака. Потоа штом нејзините внучиња ѝ се придружија во автомобилот, беше пресреќна.

Благодарен сум што можам да ги правам овие работи за мајка ми која имала тежок живот. Не го земам ова здраво за готово, а истото важи и за неа.

Среќен Божиќ мамо и уживај во новиот автомобил. Те сакаме. Заслужуваш многу повеќе“.

За само еден ден, видеото на актерот собра над 4,5 милиони лајкови, а во коментарите скоро сите се восхитуваат на неговата дарежливост.

„Срцето на овој човек е направено од злато. Колку убаво“.

„Бидејќи знам низ што сè сте поминале, знам колку ви значи и на двајцата. Среќен Божиќ“.

„Го сакам Двејн поради неговата човечност“.

Нормално, некои негодуваат нагласувајќи дека Двејн е многу богат и овој подарок не е никаков трошок за него.

Сепак, фановите се на негова страна и споделуваат дека актерот и мајка му имале навистина тежок живот, а бидејќи Двејн самиот се изборил да стигне до врвот, сега заслужува да ужива.

Пред да се прослави, еден период актерот имал само 7 долари и ништо друго. Всушност, токму поради ова, неговата продукциска компанија се вика Seven Bucks (седум долари).

Покрај подароците за неговите родители, актерот редовно ги изненадува и фановите – пред околу еден месец, на еден фан му го подари џипот кој бил направен специјално за него само затоа што сакал да му го ги разубави претстојните празници.

Прочитајте повеќе: Емотивно видео: Двејн Џонсон му го подари својот автомобил на поранешен војник за да му ги разубави празниците

Спирова С. | Црнобело