Кајли Џенер гордо позира со трудничкото стомаче – фановите убедени дека се породила минатиот месец (фото)

Детали

понеделник, 10 јануари 2022

Додека Кајли споделува фотографии на кои го покажува трудничкото стомаче, фановите коментираат дека веќе е породена. Некои сметаат дека го добила второто дете уште во декември.

Кајли Џенер и нејзиното момче Тревис го очекуваат второто дете, но поради трагедијата на концертот на раперот, младата богаташка се криеше во текот на скоро целата бременост.

Сега Кајли сподели ретки фотографии со трудничкото стомаче, но повеќето фанови се убедени дека веќе се породила и станува збор за постари фотки.

На објавата со опис „Јас сум жена“, Кајли позира со фармерки и бела кошула, а во преден план е нејзиното стомаче.

Сепак, многумина сметаат дека веќе се породила:

„Ова е за да ни го одвлече вниманието. Сигурна сум дека е породена“.

„Покажи ни го бебето Кајли. Знаеме дека го доби“.

„Но, веќе се породи. Нема да нè излажеш со оваа фотографија“.

Кон крајот на декември се појавија првите гласини дека Кајли можеби се породила, откако на објава на Тревис Баркер, момчето на сестра ѝ Кортни, се гледаше шише со млеко.

Бидејќи Кортни и Тревис не очекуваат дете, фановите веднаш почнаа да шпекулираат дека шишето е за новороденото бебе на Кајли.

Некои отишле дотаму што тврдат дека според постарите објави на Кајли, таа користела потполно исто шише за нејзиното прво дете.

Околу Нова година, Кајли сподели и друга фотографија на која гордо позира со стомачето.

Во описот, таа суптилно ја спомнува трагедијата на концернот на нејзиниот партнер – стампедо во коешто загинаа неколку лица, вклучувајќи и деца.

„Како што наближува 2022, размислувам за изминатата година и за сите благослови што ги донесе, но и многуте болни моменти. Никогаш нема да ја заборавам оваа година и значајните промени што ги донесе во мојот живот.

Се молам оваа нова година ќе ви биде исполнета со многу љубов и се надевам дека сите ќе бидете безбедни и здрави“.

Пред трагедијата, односно пред околу два месеца, Кајли редовно го покажуваше стомачето на Инстаграм.

Јавноста почна да шпекулира дека Кајли можеби е бремена во август, а таа ја потврди веста околу септември. Сепак, тогаш не откри во кој месец е.

Кајли и Тревис заедно ја имаат ќерката Сторми. Извесен период беа разделени, но имаа заедничко старателство, а сега повторно се заедно.

Спирова С. | Црнобело