Бил зависник од секс, a доаѓал само за да ја теши - Што знаеме за наводната афера на Џејмс Франко и Амбер Херд?

Херд го прокоментира и видеото што беше објавено за време на судењето и рече дека не знае точно да каже кога се случила посетата, но дека Џејмс дошол за да ѝ даде поддршка затоа што живеел во близина.

Иако се шпекулираше дека Џејмс Франко би можел да застане во судницата и да сведочи на страната на неговата некогашна добра пријателка, тоа сепак не се случи. Со оглед на тоа што актерот има многу поголеми сопствени проблеми и се обидува да си го поправи имиџот, малку е веројатно дека би сакал дополнително да се плетка во нови скандали.

Во 2018-тата година холивудскиот актер Џејмс Франко (43) беше обвинет од страна на пет жени за сексуално злоупотребување. Судскиот спор беше решен со спогодба „тешка“ 2 милиони и 235 илјади долари во јуни 2021-ва година.

Џејмс Франко отворено проговори за тоа што се случувало. Тој појаснува дека бил зависник од алкохол од негови 17 години, а неговиот спонзор што му помагал да се справи со зависностите му препорачал некој период да остане сингл и да се држи само до забавите за една ноќ, што тој го искористил како совет да има секс со секоја девојка со којашто ќе му се укаже прилика.

Франко призна дека по ова, кога се ослободил од алкохолот, станал зависен од успехот и потребата за внимание, па и вниманието од жените и сексот со нив.

Б. С. Б. | Црнобело