„Си извадив коски од вилицата“: Џесика Алвес на плажа, откако од Кен стана Барби со 78 пластични операции

Детали

сабота, 11 јуни 2022

Импланти во градите и задникот, вадење коски од вилицата и затегнување на гласните жици се само дел од бројните операции за кои моделот Џесика Алвес има потрошено речиси 1 милион долари.

Џесика Алвес е еден од најпознатите трансродови модели во светот и отворено зборува за пластичните операции, како и за операцијата за промена на полот.

Џесика беше опседната со пластичните операции уште пред да го промени полот. Претходно таа беше позната како Родриго и неретко ја нарекуваа „жив Кен“ и „најпластичниот маж во светот“.

Неодамна таа позираше за магазинот Playboy, а на фотките во преден план се нејзините импланти на задникот.

Џесика вели дека кога ја почнала транзицијата, не ни сонувала дека некогаш ќе позира за популарниот магазин како жена.

„Не ми се верува кога ќе се погледнам во огледалото и ќе ја видам жената што станав. Кога ја почнав транзицијата, не ни помислував дека ќе стигнам дотука, дека ќе изгледам добро како сега и дека ќе се чувствувам толку среќна“.

Џесика има потрошено вртоглави суми за бројните пластични операции, а откри дека пред помалку од еден месец направила уште една операција во Бангкок за која платила над 100.000 долари.

Таа направила лифтинг на лицето и извадила коски од вилицата за дa има поженствен изглед. Исто така, Џесика направила и операција за промена на гласот со цел да ѝ звучи „поженски“. Според неа, со операцијата ѝ ги затегнале гласните жици, така што нејзиниот глас ќе биде повисок

„Сега кога ќе се јавам на телефон нема да ми викаат господине!“

На Џесика ѝ биле потребни три недели за да закрепне од операцијата на гласните жици и открива дека треба да помине време пред нејзиниот глас да се стабилизира.

„Гласот ќе ми се подобрува. Ова не е финалниот резултат, но сега дефинитивно имам женски глас“.

Џесика неретко е нарекувана зависничка од пластични операции, но таа го негира ова и вели дека само ѝ се досадува да има исто лице повеќе од 2-3 години.

Сепак, кога ќе се земе предвид фактот дека досега има направено 78 пластични операции за кои потрошила речиси 1 милион долари, Џесика сигурно е зависна од овие зафати, а самата вели дека ќе прави уште операции.

„Моето лице допрва ќе се менува“.

Спирова С. | Црнобело