Џесика Симпсон пред развод, откако го надмина алкохолизмот: „Хистерична е и опседната со пластични операции, сопругот не ја поднесува“

Детали

вторник, 12 ноември 2024

„Сопругот на Џесика, Ерик, постојано кажува колку е тешко да се живее со личност која е опседната со операции и нема допир со реалноста. Прашање на време е кога ќе побара развод“, велат извори блиски до парот.

Откако успеа да го надмине алкохолизмот и да се врати во форма, Џесика Симпсон се соочува со проблеми во бракот.

Гласините дека е пред развод со сопругот Ерик кружат уште од почетокот на 2023-та, а некои извори тврдат дека веќе цела година тие не живеат заедно.

Последно, Џесика сподели неколку провокативни фотки на Инстаграм, кои, заедно со описот, за фановите се доказ дека на бракот му дошол крај.

Со фотките, Џесика го најавува враќањето во музичката индустрија, по долгата пауза.

„Ова враќање (на музичката сцена) е лично, ова е извинување до мене, за тоа што трпев работи што не ги заслужив“, стои во описот.

Веќе неколкупати, Џесика е забележана во јавност без нејзиниот прстен.

Исто така, повеќе од една година нема споделено фотографија со сопругот Ерик со кого е во брак 10 години.

Не е познато што трпела Џесика, но според извори блиски до парот, сопругот Ерик е тој кој повеќе не можел да издржи.

Иако Џесика дефинитивно го надминала алкохолизмот, сега проблем било нејзиното променливо расположение и хистерично однесување.

„На Ерик му е ’преку глава‘ од хистеријата и променливото расположение. Џесика, пак, мисли дека во бракот веќе нема романса.

Сите околу нив се прашуваат уште колку долго ќе издржат вака. Ерик си тера по свое веќе некој период.

Постојано кажува колку е тешко да се живее со личност која е опседната со операции и нема допир со реалноста“, вели еден од изворите.

Изворот вели и дека Ерик пробува да се дистанцира од Џесика и веќе цела година не се заедно.

„Ерик се справува со проблемите на Џесика многу долг период. Во еден миг е радосна, во следниот почнува да плаче и се крие во собата по цел ден.

Кога станува збор за бракот, само прашање на време е (кога ќе се разделат). Ерик повеќе не може да трпи“.

Засега ни Ерик ни Џесика се немаат огласено за шпекулациите.

Инаку, парот се венча во 2014 година, а заедно имаат три деца.

Претходно, Џесика беше во брак со Ник Лачи.

Прочитајте и: „Се убивав со алкохол“ – Џесика Симпсон искрена за борбата со зависноста и траумите од сексуалното малтретирање

Спирова С. | Црнобело