После дебаклот наречен „Морбиус“, сите се прашуваат – како Џаред Лето изгледа така добро на 50 години? (фото)

Детали

понеделник, 13 јуни 2022

И покрај ниските оценки од страна на критичарите како и исмевањето од публиката, сепак, поради сеир и малку забава, гледачите решија преку герила твитови и смешни фотки да го вратат Морбиус во кината. Со овој потег, последната адаптација на стриповите на Марвел оствари неверојатно висока заработувачка од продажбата на кино билети ширум светот.

И покрај оскудното сценарио и по малку смешната и лошо адаптирана приказна, никому не му беше гајле за содржината, сè додека имавме можност да го гледаме неверојатниот Џаред Лето во улогата на Морбиус. Актерот има 50 години, а изгледа речиси двојно помладо.

Која е тајната на неговиот добар изглед?

„Секое утро пијам еден галон (3,7 литри) солена вода. Напишете го тоа во статијата“, вели Џаред Лето.

„И тогаш сите ќе пијат по еден галон солена вода наутро, што за жал ќе ги натера луѓето да се посе*ат во панталоните“.

Актерот дефинитивно не го прави тоа, а не треба ниту некој друг. Лето децидно изјави дека нема што да сподели во врска со неговиот младешки изглед.

„Немам добар одговор за тоа, но веројатно и нема да го споделам“, вели тој, истакнувајќи дека генетиката сигурно игра улога – неговата мајка отсекогаш изгледала младо и здраво.

„Навистина, искрено, на крајот на денот, тоа навистина не е важно“.

Дали неговиот изглед во шестата деценија се должи на генетика, добра исхрана, вежбање или по некоја пластична операција, останува мистерија.

Но, вака изгледа ѕвездата од „Мојот таканаречен живот“ на точно 50 години:

(О)Милена | Црнобело