Ќерката на Барак Обама со ново момче откако раскина со колегата од Харвард – постар е од неа 9 години, потекнува од Етиопија (фото)

Детали

петок, 05 август 2022

Постарата ќерка на Барак Обама – Малија – деновиве неколкупати се појави во јавност со новото момче кое е 9 години постаро од неа, потекнува од Етиопија и работи како музички продуцент.

Постарата ќерка на поранешниот претседател на САД, Барак Обама, ја потврди врската со девет години постарото момче.

24-годишната Малија и нејзиното момче неколкупати беа видени во јавност, но секојпат држеа дистанца. Поради ова, досега постоеја само гласини дека се пар.

Но, сега Малија и момчето беа забележани во Лос Анџелес како шетаат прегрнати и фатени за рака.

Од Daily Mail го открија и идентитетот на новото момче на Малија и наводно станува збор за музички продуцент кој потекнува од Етиопија.

Продуцентот се вика Давид Екланд и е девет години постар од Малија. Според Daily Mail, следната недела тој ќе го прослави 33-иот роденден.

Малија и Давид беа забележани во Лос Анџелес, и тоа третпат во рок од само неколку денови.

Малија носеше широки зелени фармерки во комбинација со кроп-топ маичка. Нејзиниот сакан носеше шорцеви со зелена боја и розова маичка.

Претходно Малија имаше сериозна врска со колега од Харвард, но бидејќи добро ја чува својата приватност, сè до неодамна беше непознатo дали уште се заедно.

Но, штом 24-годишната девојка се појави со новото момче, стана јасно дека ставила крај на претходната романса.

Како што веќе спомнавме, новото момче на Малија наскоро полни 33 години, работи како музички продуцент и потекнува од моќно семејство.

Неговиот татко е Џон Екланд кој има работено во неколку американски амбасади во Африка.

Наводно, таткото на Давид им помогнал и на многу бегалци во раните 2000-ти кои поради војната во Судан побегнале во Етиопија.

Мајката на Давид – Јеши – потекнува од Етиопија, од моќно семејство бизнисмени.

Родителите на продуцентот живеат во Брегот на Слоновата Коска, но имаат и дом во Вашингтон.

Се претпоставува дека парот се запознал во Лос Анџелес, каде што Малија се пресели пред околу една година откако заврши на Харвард.

Спирова С. | Црнобело