„Сама си ризикуваше“ – Твитерџиите убедени дека Бен Афлек му се вратил на алкохолот по свадбата со Џеј Ло во Лас Вегас (фото)

Детали

среда, 10 август 2022

По кратката разделба заради ангажмани Бен Афлек и Џеј Ло повторно се споија. Парот се бакнува страсно како никој да не ги гледа, а актерот е во видно неуредно издание, откако почнаа да се шират гласини дека тој повторно им се вратил на старите пороци и неговата нова сопруга го испратила во САД да побара помош.

Откако го поминаа заедно медениот месец со семејството во Париз, Бен Афлек (49) и Џенифер Лопез (52) се поделија на различни страни на одредено време. Според пишувањата во медиумите, славниот пар верувал дека со овој чекор ќе ја подобрат врската и бракот.

Според Hollywood Life двајцата актери одлучиле да се разделат неколку денови откако завршил нивниот месец во Европа и да се посветат на работните ангажмани.

Во тие неколку денови имавме можност да видиме дека Џеј Ло сними жешка фотосесија во Италија, каде позираше во костими за капење, a Бен се врати во Лос Анџелес.

Прочитајте и На Бен Афлек му се смачи од медениот месец - Фотки на кои актерот е во лошо расположение додека шета низ Париз

Сепак, дел од медиумите и корисниците на социјалните мрежи тврдат дека разделбата е заради тоа што актерот повторно им се вратил на старите пороци, односно на алкохолот и дека заради тоа морал да се врати во САД.

Според Marca, наводно Џеј Ло побарала од него да се врати во САД и да побара помош затоа што тој повторно има проблеми со алкохолот.

За време на нивниот меден месец во Париз на голем дел од фотографиите можеше да се забележи дека актерот е во лошо расположение и постојано уморен, а неговите фотографии од бродот каде што спие со отворена уста станаа хит-меме на Твитер.

„Веројатно бил пијан и се онесвестил“, „Зошто спие на стол кога има кревет зад него“ - стои во дел од коментарите под твитот.

Од друга страна, други ѝ честитаа на Џеј Ло затоа што собрала храброст да се омажи за Бен во Лас Вегас, градот што е познат по пиење алкохол и коцка – пороците со кои актерот се соочува со години.

„Ако тоа не е преземање ризик, не знам што е“ – стои во еден твит.

Сепак, по неколку дена разделеност, Бен и Џенифер се повторно заедно, а на фотографиите може да се забележи дека Бен повторно е во малку неуредно издание.

Инаку, за потсетување, актерот повеќепати досега бил на рехабилитација за откажување од алкохол, а се чинеше дека во последниот период добро се справува со борбата против пороците.

Сепак, се знае дека секојпат кога е под поголем медиумски притисок тој честопати им се враќа на старите пороци.

Таков беше случајот со улогата во филмот Batman, а минатата година дури и ја обвини поранешната сопруга Џенифер Гарнер за проблемот со алкохолот и рече дека се чувствувал заробен во бракот и заради тоа посегнал по алкохолот.

Сепак, засега ова се само шпекулации. 

Б. С. Б. | Црнобело