Елен Деџенерис се збогуваше со поранешната девојка Ен Хеч по нејзината смрт: „Ова е тажен ден“

Детали

сабота, 13 август 2022

„Ова е тажен ден. Им ја испраќам целата моја љубов на децата, семејството и пријателите на Ен“, гласи изјавата на Елен по новостите за смртта на актерката Ен Хеч.

Пред околу една недела, актерката Ен Хеч имаше тешка сообраќајна несреќа, по што беше хоспитализирана. За жал, актерката им подлегна на повредите и во петокот, 12-ти август, беше прогласена за мртва.

Лекарите ја одржуваа Ен во живот со помош на машини, а по прогнозата дека веројатно нема да преживее, нејзиното семејство донесе одлука машините да бидат исклучени, а нејзините органи донирани.

Кратко пред веста да биде споделена со јавноста, поранешната партнерка на Ен, Елен Деџенерис, го искажа нејзиното сочувство:

„Ова е тажен ден. Им ја испраќам целата моја љубов на децата, семејството и пријателите на Ен“.

This is a sad day. I'm sending Anne's children, family and friends all of my love.

— Ellen DeGeneres (@EllenDeGeneres) August 12, 2022

Елен и актерката беа во врска од 1997 до 2000 година. Нивната врска беше сериозна и тие чекаа да се легализираат истополовите бракови за да се венчаат.

Сепак, тие се разделија, а наводно поради оваа врска, Ен го заладила односот со нејзината мајка.

Претходно, Елен откри дека не била во никаков контакт со Ен пред несреќата. Нo, на прашањето дали има информации за состојбата на Ен, водителката ја покажа нејзината загриженост:

„Не сме во контакт, па не би знаела. Не сакам никој да биде повреден“.

Пред да ги соопшти вестите за нејзината смрт, семејството на актерката сподели дека таа е во кома и во критична состојба, како и дека лекарите ја одржуваат во живот со машини, со надеж дека барем ќе можат да се донираат нејзините органи.

„Покрај нејзиниот неверојатен талент, нејзината животна мисија беше да споделува добрина и радост – особено да ги натера другите да ја прифатат личноста што ја сакате.

Таа ќе биде запомнета за нејзината храбра искреност и ќе ни недостасува нејзината светлина“, гласи заедничката изјава на семејството.

Прочитајте повеќе: Беше во врска со Елен Деџенерис, бараат да ја исклучат од апарати – Која е актерката Ен Хеч, што доживеа страшна сообраќајна несреќа?

Спирова С. | Црнобело