Џорџина за смртта на синот: „Се откина огромен дел од моето срце – немав сила да продолжам“

Детали

понеделник, 26 септември 2022

„Наеднаш ги почувствував најубавиот и најлошиот миг во мојот живот’ – вели партнерката на Кристијано Роналдо, Џорџина Родригез која за првпат јавно прозборе за загубата на синот во април при породување и рече дека тоа е „најлошиот момент во нејзиниот живот“.

Во втората сезона од документарниот филм на Netflix посветен на нејзиниот живот, Џорџина меѓу другото ќе зборува и за породувањето во април кога на свет ја донесе ќерката Бела Есмералда, но за жал го загуби синот близнак.

Netflix најави дека ќе се емитува втора сезона од документарниот фил I am Georgina, а шпанските новинари имаа можност да проследат кратко предвидео од новиот документарен филм, каде според Daily Mail моделот говори и за загубата на синот:

„Годинава одеднаш ги почувствував најубавиот и најлошиот миг во мојот живот. Се откина голем дел од моето срце и се прашував како ќе продолжам понатаму.

Сепак, одговорот беше веднаш до мене. Погледнав во очите на моите деца и сфатив дека единствен начин за да продолжам е да бидам заедно со нив“ – вели таа.

Засега, не се знае точниот датум кога втората сезона од документарниот филм ќе почне да се емитува, но ова е првпат Џорџина јавно да зборува за смртта на синчето што го загубија на породувањето на 18-ти април годинава.

Инаку, Џорџина сподели нови фотографии од неа и децата на Инстаграм во албум до кој стави краток опис:

„Љубовта на мама“.

Погледнете ги фотографиите во продолжение:

Б. С. Б. | Црнобело