Му зема 45 милиони долари за да му даде развод, ја обвинуваат дека е лоша мајка – Која е првата сопруга на Мајкл Даглас?

Во 2011-та година Диандра излезе во медиумите со кратка изјава за бракот со познатиот актер и рече:

„Го сакав Мајкл многу кога се омажив за него. Не верувам дека љубовта некогаш може да исчезне. Може да се промени, но не верувам дека омразата е вистинскиот рецепт за тоа“.

По разводот со Мајкл, Диандра беше во врска со бизнисменот Зак Хемптон Бејкон Трети со кого ги доби близнаците Хадсон и Хок и со кого имаше битка за старателство, а во 2005-та година кратко време беше во брак со Мајкл Клајн.

Во 2013-та актерот првпат искрено прозборе за разводот со првата сопруга па рече:

„Ми требаше премногу долго за да сфатам дека ако одите кај брачен советник за да ги решите проблемите, тогаш во негов интерес е бракот да продолжи.

Затоа што ако ставам крај на бракот тој ќе остане без работа... Мислам дека Диандра ќе го каже истото. Единствено жалам за тоа“ – рече тој и додаде дека најверојатно бракот требало да заврши 8 или 10 години порано.

По разводот ја обвинуваа дека е премногу алчна затоа што бара дополнителни пари од Мајкл Даглас, а откако нивниот син доби затворска казна заради користење опојни супстанци, таа се соочи и со осудувања дека е лоша мајка.

Според договорот за развод, Мајкл и неговата поранешна сопруга го делеа домот во Мајорка, Шпанија и секој од нив имаше право да престојува во луксузниот имот по 6 месеци. Во 2021-ва година актерот рече дека било мошне неудобно да го делат домот, заради што таа година одлучиле да го откупат во целост.

Денес Диандра многу ретко се појавува во јавноста и во таблоидите освен кога продава некој од нејзините луксузни имоти. Така годинава се најде во американските медиуми откако го продаде станот во Њујорк за 17,5 милиони долари.

Б. С. Б. | Црнобело