Пике ѝ даде на Шакира целосно старaтелство над синовите - Пејачката ќе се сели во Мајами, тој ќе ги гледа ретко

Детали

среда, 09 ноември 2022

Наводно Пике не можел да ги издржи долгите преговори и спогодби и си заминал од рочиштето на кое со Шакира спогодбено одлучувале за старателството над нивните синови. Шпанските медиуми пишуваат дека фудбалерот се откажал од старателството над синовите Милан и Саша.

Поминаа неколку месеци од разделбата на шпанскиот фудбалер Жерар Пике (35) и колумбиската пејачка Шакира (45), а постојано се шпекулираше за тоа како тие двајца ќе се договорат околу старателството над нивните синови.

Откако минатата недела го одигра последниот натпревар за ФК Барселона и со солзи во очите се прости со публиката на Камп Ноу, сега шпанските медиуми пишуваат дека по 12-часовни преговори конечно била донесена одлука според која Пике целосно ќе ѝ го отстапи старателството на Шакира.

Пике ќе ги помине божиќните празници со синовите Милан (9) и Саша (7), по што тие ќе се преселат со мајка им во Мајами.

Според шпанскиот весник La Vanguardia поранешниот фудбалер се жртвувал за доброто на нивните деца, а Шакира веќе ги запишала во ново училиште во Мајами каде треба да го продолжат своето образование од почетокот на 2023-та година.

Пике ќе има можност да поминува по 10 дена со синовите во периодите кога тие се на распуст, односно за време на Денот на благодарноста, Божиќ и Велигден.

Весникот пишува дека Пике за време на преговорите збеснал и одлучил да го напушти рочиштето, а најверојатно парот сака да се спогоди околу старателството и да не ги решаваат проблемите по судски пат.

Инаку, според дел од шпанските медиуми синовите на Пике присуствуваа на последниот меч што нивниот татко го одигра на стадионот Камп Ноу пред официјално да се пензионира, а на социјалните мрежи масовно се споделува видео на кое тој ја бакнува новата девојка Клара Чиа со која ја изневерил долгогодишната партнерка.

Прочитајте и Пике со солзи во очите се прости од фудбалската кариера – По натпреварот ја бакнува новата девојка, фановите згрозени (видео)

Б. С. Б. | Црнобело