Пике објави прва фотка со новата девојка, по гласините дека ја изневерил со млада адвокатка – Која е Џулија Пуиг?

Детали

четврток, 26 јануари 2023

„Шакира ќе ти го сруши целиот свет“ - му порача шпанскиот новинар на Пике, во објава на социјалните мрежи во која откри дека наводно фудбалерот ја изневерил новата девојка Клара Чиа со млада адвокатка, која истовремено работи и како инфлуенсерка. Сите очекуваа дека по овие вести Пике ќе раскине со новата девојка, но очигледно тоа не е така.

Шпанскиот новинар Жорди Мартен во чекор ја следи разделбата на Шакира и Жерар Пике, а токму тој беше меѓу првите што ја откри приказната за новата девојка на фудбалерот.

Сега, новинарот повторно ја разбранува јавноста откако објави дека фудбалерот наводно ја изневерил и новата девојка Клара Чиа Марти со млада адвокатка.

На Инстаграм Стори, новинарот објави фотографија од Инстаграм профилот на адвокатката Џулиjа Пуиг и на фотографијата напиша:

„Ја познаваш ли Пике? Немој да бидеш изненаден кога Шакира ќе ти го сруши целиот свет.“

Според новинарот, Џулија е роднина на еден од играчите на фудбалскиот клуб Барселона, Рикардо Пуиг и таа и Пике започнале афера пред 2 или 3 години, а сега откако се разделил со Шакира, повторно се во контакт и наводно, поранешниот фудбалер со неа ја изневерува новата 23-годишна девојка Клара Чиа Марти.

Џулија е дипломиран правник и според дел од шпанските медиуми таа ќе биде вклучена во дел од правните процеси што му претстојат на поранешниот играч на Барселона, а исто како Клара, и таа има 23 години.

Откако нејзините фотографии беа објавени на социјалните мрежи, Џулија веднаш го затвори својот профил на Инстаграм, а Пике пак, одлучи да му покаже на целиот свет дека тој веќе ја нашол својата нова девојка и дека нема простор за нови шпекулации, така што на Инстаграм ја објави првата заедничка фотографија со Клара Чиа.

Иако Пике не стави никаков опис до фотографиите, веднаш до неа коментираше братучедот на адвокатката Џулија Пуиг и напиша:

„Оваа слика е за албум.“

Погледнете уште неколку фотографии од Џулија Пуиг:

  Б. С. Б. | Црнобело