Реакцијата на Дејвид Бекам по голот на Меси + Дали Бекамови се трудат да го освојат Меси преку неговата сопруга?

Детали

понеделник, 07 август 2023

Викторија ја изнесе Антоанела на вечера, Дејвид ја прегрнува по победата – Дали Бекамови прават сѐ за сопругата на Лионел Меси да се чувствува убаво додека престојува во Мајами и на тој начин се трудат да го освојат фудбалерот? Погледнете ја реакцијата на Бекам откако Лионел Меси даде гол и му донесе победа на клубот.

По првиот настап на Лионел Меси за Интер Мајами, на социјалните мрежи кружат повеќе видеа од новиот косопственик на клубот Дејвид Бекам, како реагира по голот што им донесе победа, но и како ја прегрнува сопругата на фудбалерот.

На видеото што кружи на Твитер може да се види како Дејвид Бекам скока на трибините од радост по голот што Лео го даде во 85-тата минута и му донесе победа на својот тим.

Освен тоа, уште едно видео привлече внимание, а на него се гледа како сопругата на Лионел Меси, Антонела Рокузо по победата се прегрнува со новиот газда на нејзиниот сопруг, Дејвид Бекам.

По преселбата во Мајами, семејството на Меси требаше да се приспособи на новиот начин на живот.

Фудбалерот треба да се вклопи во новиот клуб и соиграчите, а неговите деца да се навикнат на новите училишта.

Но, сопругата на Меси, очигледно веќе најде свои пријателки со кои го поминува слободното време. Минатата недела таа на Инстаграм објави фотографии на кои се гледа дека била излезена со новата газдарица на тимот во кој игра нејзиниот сопруг, Викторија Бекам.

Освен Викторија и Антонела, на фотографијата се и Елена Галера, сопругата на Серхио Бускетс, Андреа Рајачиќ, партнерката на Тиери Анри и Изабела Грутман, партнерка на бизнисменот Дејвид Грутман.

„Девојки“ – напиша Антонела до фотографијата што ја објави на Инстаграм.

Оттука, станува јасно дека Дејвид и Викторија се подготвени да направат сѐ за да го задржат Меси во редовите на неговиот клуб, а Викторија добро знае дека освен што треба да внимаваат на неговите потреби, подеднакво треба да внимаваат и сопругата на Меси да се чувствува задоволно.

Б. С. Б. | Црнобело