Роналдо излезе на терен со девојче со церебрална парализа – ја бакна и ѝ го исполни сонот (фото+видео)

Детали

среда, 12 јуни 2024

Капитенот на Португалија им ги стопи срцата на фановите кога на терен излезе со неговата придружничка во инвалидска количка – девојче со церебрална парализа. Постојано ја држеше за рака и ја бакна во чело. 

На пријателскиот натпревар помеѓу Португалија и Полска на 11 јуни, Роналдо направи гест кој ги воодушеви фановите, но и сите останати.

Тој излезе на теренот со својата придружничка – девојче во инвалидска количка.

Станува збор за Софиа Монтеиро, која има церебрална парализа, но не дозволува животот да ѝ застане заради болеста.

Таа има Инстаграм профил, кој го води нејзината мајка, каде објавува многу фотки од нејзините прекрасни роденденски забави, летни авантури и патувања со нејзините родители.

Најновата објава на профилот е со фудбалерот Кристијано Роналдо, од моментот кога ја бакнува во чело и ја претставува како своја придружничка на теренот.

„Си заминавме од тука со полни срца. Какво попладне! Уште се соземаме од она што се случи вчера“ – стои во описот на објавите од настанот.

И Кристијано, во заедничка објава со Португалската фудбалска репрезентација, на Инстаграм објави видео од моментот, до кое пишува: „Бесценето“. 

Тој ја бутка Софиа во количката, а за време на пеењето на химната, ја држи за рака цело време.

Погледнете повеќе фотографии од емотивниот момент:

М. М. | Црнобело