Шампањ, факели и српска музика во луксузен ресторан – Како ја прослави Новак Ѓоковиќ победата во Париз?

Детали

вторник, 06 август 2024

Со шампањ, факели и патриотска српска песна, Новак Ѓоковиќ среде Париз го прослави првото олимписко злато во неговата кариера. Погледнете како изгледаше веселбата приредена во луксузен ресторан, но и потсетете се на емотивните мигови кога сфати дека е победник.

По огромниот успех што Новак Ѓоковиќ го оствари во Париз во неделата (04.08), кога стана првиот српски тенисер кој на својата земја ѝ донесе златен медал на Олимпијадите, во Белград се подготвува спектакуларен дочек, што ќе се одржи на 13-ти август.

Но, веднаш по победата над младиот Карлос Алкараз, Ноле до раните утрински часови славел во Париз, придружуван и од други српски спортисти.

Ноле, по победата организирал прослава во ресторанот „Siena“, што вообичаено го посетува кога е во главниот град на Франција, а од видеата може да се види дека Србинот гордо целата вечер ја поминал со српското знаме на себе.

Тенисерот, кој и самиот рече дека жртвувал многу за да ѝ донесе олимписко злато на својата земја, сакал победата да ја прослави прво со своите сонародници, а потоа и со големиот број пријатели и познаници.

До него, покрај брат му Марко, таа вечер биле српскиот фудбалер Душан Влаховиќ, како и пријателот на Ноле, поранешниот тенисер Јанко Типсаревиќ.

Токму Јанко на Инстаграм сподели видеo на коe може да се види како изгледала прославата која траела до раните утрински часови.

Присутните се забавувале на српска музика, а вработените во ресторанот го изненадија со факели и шампањ, додека сите во еден глас ја пееја песната „Весели се српски роде“, но и „Мики Милане“.

За да го видите моментот, кликнете на стрелките од објавата:

Инаку, за потсетување, Ноле во својата долгогодишна кариера има освоено голем број титули, медали и признанија, но ова му е првото Олимписко злато.

„Ги дадов срцето, душата, телото, сѐ што имав, за да освојам олимписко злато и на 37 години, конечно успеав“ – изјави Ноле за светските медиуми.

Во продолжение погледнете го мигот кога Ноле во солзи ја дочека победата на Олимпијадата:

https://www.tiktok.com/@ddikic26/video/7399329661928410374?_r=1&_t=8odZPOaeZJw

На следната страница погледнете уште неколку фотки од прославата во Париз...