Роналдо грубо турна фан кој го „проби“ обезбедувањето за селфи - фудбалерот мета на критики (видео)

Детали

среда, 10 септември 2025

„Дали така се постапува со навивач?“, „Срамота, знаев дека е надмен, ама ова е премногу“ - се дел од коментарите по инцидентот, во кој фан му приоѓа на Роналдо од зад грб за да направи фотка со него.

Најдобриот светски фудбалер Кристијано Роналдо секогаш предизвикува фама каде и да е појави и сите се обидуваат да стигнат до него за фотка, автограм или некој разменет збор.

Работите не беа воопшто поинакви ни во Ерменија, каде што репрезентацијата на Португалија минатиот викенд играше квалификации за Светското првенство во 2026 година.

Се чини работите излегоа од контрола кога момче успеа да го пробие обезбедувањето и незабележано да стигне до Роналдо во лобито на хотелот во Јереван, каде што беше сместен португалскиот тим.

Тој му притрчува на Роналдо од зад грб, па со телефонот застанува пред него во обид да направи фотографија.

Во моментот кога го здогледува покрај себе, Роналдо грубо го турка на страна, а од неколку страни притрчува обезбедување за да го тргне момчето, но и другите навивачи кои се во близина.

Инцидентот е снимен и се споделува на социјалните мрежи, а реакциите се поделени.

Едни го обвинуваат обезбедувањето за немарност, велејќи дека не смееле да дозволат непознат човек да му пријде на Роналдо, зашто никогаш не може да се сигурни во нивните намери.

„Што ако некој проба да го повреди, убие? Некој треба да ја изгуби работата заради ова“ - пишува во коментарите.

Други застанаа на страната на фанот, велејќи дека реакцијата на Роналдо е безобразна и несоодветна.

„Дали така се постапува со навивач?“,

„Срамота, знаев дека е надмен, ама ова е премногу“,

„Не ни очекував друга реакција, студен е и недостапен“,

„Браво за момчето, се снајде. Баш ме интересира каква е фотката“ - пишуваат други.

Но, има и такви кои го бранат Роналдо и неговиот потег.

„А што треба да прави - да дозволи секој да му пријде, да го тегне, вознемирува?“,

„Требаше уште посилно да го турне“,

„Баш ми е мило што го турна, луѓето треба да престанат да мислат дека јавните личности се нивна сопственост“,

„Па не мора да им удоволува на сите“ - велат оние кои сметаат дека португалската ѕвезда реагирала нормално во ситуацијата.

Погледнете ги видеата:

А. Ј. | Црнобело