РФМ ги избра најдобрите во Македонија – Кузмановски и Дамјаноска се лауреати, постхумно признание за Темелковски

Детали

понеделник, 03 ноември 2025

Ракометната федерација на Македонија на свеченост во хотел Хилтон во Скопје ги прогласи најдобрите за минатата натпреварувачка сезона.

Изборот започна со минута аплауз за Александар Јовиќ и Илија Темелковски, двајца значајни ракометни работници кои ги загубивме оваа година.

Постхумно, признание за особен придонес во ракометот, како играч, тренер и селектор на младинците и сениорите, имаше за Илија Темелковски, кое го прими неговата сопруга Лидија Темелковска и неговите двајца внуци Андреј и Михаил.

Признанието за најдобра ракометарка и за најдобар ракометар ги однесоа: Филип Кузмановски од Е. Пелистер и Катерина Дамјаноска од ЖРК Ѓорче Петров.

„Ракометари на годината 2025“ – лауреати:

најдобар ракометар – Филип Кузмановски

најдобра ракометарка – Катерина Дамјаноска

најдобар тренер мажи – Кирил Лазаров

најдобар тренер жени – Симе Симовски

најдобра млада ракометарка – Марија Јанкуловска

најдобар млад ракометар – Димитар Узунчев

најдобра ракометарка во Македонија од странство – Ана Вранчиќ

најдобар ракометар во Македонија од странство – Дмитро Хорига

најдобар судиски пар – Славе Николов и Ѓорѓи Начевски

најдобар стрелец мажи – Давид Димевски

најдобар стрелец жени – Марија Анчева

најдобра ракометарка (социјални мрежи) – Теодора Гулицоска

најдобар ракометар (социјални мрежи) – Никола Митревски

награда за особен придонес (постхумно) – Илија Темелковски.

Фото: Фејсбук РФМ