Линдзи Вон се огласи по страшниот пад на Олимпијадата: „Сонував, паднав, не се каам за ништо“

Детали

вторник, 10 февруари 2026

„Бев преблиску до линијата кога десната рака ми се закачи на внатрешноста од вратничката, извиткувајќи ме, и тоа резултираше со мојот пад. Мојот преден лигамент и повредите од минатото немаа никаква врска со мојот пад“, напиша Линдзи Вон и со емотивна порака се прости од олимпискиот сон.

Најдобрата американска скијачка, Линдзи Вон (41) викендов имаше страшен пад на Олимпијадата во Милано и Кортина, по што беше со хеликоптер пренесена во болница.

Само еден ден по ужасниот пад, кој го скрши нејзиниот олимписки сон за злато на 41 година, Американката преку Инстаграм ѝ се обрати на јавноста и на сите свои фанови.

Таа напиша дека не се кае што брзо по повредата од пред десетина дена, поради која можеби и не требаше да се натпреварува на Олимпијадата, сепак си даде уште една шанса во кариерата.

Преку својата објава, Вон објасни како се чувствува сега, но и како паднала:

„Вчера мојот олимписки сон не заврши онака како што сонував. Не беше тоа крај како од книга или бајка, туку вистински живот.

Се осмелив да сонувам и работев многу напорно за да го постигнам тоа.

Во скијачките спуст трки, разликата помеѓу стратешка линија и катастрофална повреда може да биде минимална, дури и само 5 инчи (12,7cm).

Едноставно, бев за само 5 инчи преблиску до линијата кога десната рака ми се закачи на внатрешноста од вратничката, извиткувајќи ме и тоа резултираше со мојот пад.

Мојот преден лигамент и повредите од минатото немаа никаква врска со мојот пад.

За жал, добив комплексна фрактура на тибијата која е моментално стабилна, но ќе требаат повеќе операции за правилно да се поправи.

Иако вчерашниот ден не заврши онака како што се надевав и покрај интензивната физичка болка што ми ја предизвика, не се каам.

Стоењето на стартната положба вчера беше неверојатно чувство што никогаш нема да го заборавам.

Тоа што знаев дека стојам таму и имав шанса да победам, беше победа сама по себе. Исто така знаев дека трката е ризик.

Секогаш беше и секогаш ќе биде неверојатно опасен спорт.

Продолжува на следната страница...