Олимписка лизгачка побарала од професорот одложување на домашна – неговата реакција стана вирален хит

Детали

четврток, 19 февруари 2026

Кога си олимпијка, а имаш задача со рок на факултет... Уметничка лизгачка му напишала мејл на професорот во кој бара одложување на рокот на зададената задача, бидејќи се натпреварувала на Олимпијада, а неговата реакција беше хит и ги освои сите - си направил Инстаграм профил и објави фотка на која го гледа нејзиниот настап. 

Кога си олимписки натпреварувач, не ти требаат многу други причини за да ја одложиш домашната задача кај професорот.

Уметничката лизгачка Меди Шизас (22) балансира помеѓу натпреварувањето на Зимски олимписки игри за тимот на Канада и студирањето.

Таа е студент на Универзитетот McMaster во Онтарио, а стана вирален хит откако на социјалните мрежи сподели мејл кој го испратила до нејзиниот професор, барајќи да ѝ го продолжи рокот за домашната задача.

„Јас сум студент што слуша Социологија кај вас и се прашував дали може да добијам кратко одложување на рокот за задачата за оваа недела.

Се натпреварував на Олимписките игри вчера и мислев дека рокот е до недела, не до петок“.

На крајот на мејлот го додала линкот од соопштението на Олимпискиот комитет, што го потврдува нејзиното учество на Игрите.

Ден подоцна, Меди сподели дека мејлот успеал и дека го добила посакуваното одложување, a и на профилот на самиот универзитет ја објавија веста. 

Иако претходно студентката го скрила името на нејзиниот професор, сепак тој се покажа како многу кул, а неговата реакција стана уште поголем хит.

Си направил Инстаграм профил и ставил една фотографија на која тој го гледа нејзиниот настап во уметничко лизгање.

„Горд сум на тебе Меди!“ – напиша професорот во описот на објавата.

Подоцна, во изјава за Wall Street Journal, професорот изјавил дека не бил свесен дека има студентка која е олимписки натпреварувач.

На почетокот на предметот тој побарал од студентите да напишат нешто со што подобро ќе се запознаат, но Меди никогаш не спомнала дека се натпреварувала на Олимписките игри во Пекинг во 2022, ниту дека ќе оди повторно сега.

„Го ценам тоа што не го искористила тој факт како причина да добие посебен третман и привилегии“ – изјавил професорот.  

M. M. | Црнобело