Тригодишниот брат на Ламин Јамал стана хит на Светско 2026 – ги освои срцата на сите, радосно се гушка со него по триумфот

Детали

понеделник, 20 јули 2026

По победата на Шпанија, слаткиот тригодишен брат на Ламин Јамал (19) стана вирален хит и го освои шоуто – позира со брат му со трофејот, трча по терен и сите го обожаваат, му дадоа да шутира гол, а еден полицаец му ја подари својата капа за да се слика.

Вчеравечер се одржа финалето на Светско првенство 2026, помеѓу Шпанија и Аргентина, а „црвената фурија“ ја освои светската титула откако ги победија противниците со 1:0.

Репрезентативецот Ламин Јамал е најмладиот фудбалер во понова историја, кој на свои 19 години освои Светско првенство.

Тој на теренот победата ја прослави со својата девојка Инес Гарсија, со мајка му, но и со својот тригодишен полубрат Кејн.

Малото момче дефинитивно го украде шоуто со своите слатки потези, ги освои срцата на сите на теренот и цел свет веќе го обожава.

Тој беше забележан како трча кон својот брат и го прегрнува по триумфот, но и како позира до него заедно со трофејот.

Освен тоа, на социјалните мрежи вирално се шират и фотки и видеа на кои се гледа како полицаец му ја дава својата капа за да се слика, а потоа позира и со црвено капче од фудбалерите.

Во еден момент, репрезентативците на Шпанија го земаа со себе и му дадоа да шутира гол.

Малиот Кејн дефинитивно стана хит на првенството и сите пишуваат за него, па дури се шегуваат дека ќе потпишат петиција да му се изработи специјален трофеј и него.

Погледнете уште неколку видеа со братот на Јамал: 

 

M. M. | Црнобело