Уште најмалку два месеци пауза за Надал

uste-najmalku-dva-meseci-pauza-za-nadal

Шпанскиот тенисер, Рафаел Надал, од тениските терени ќе отсуствува уште најмалку два месеца.

Поради повреда на коленото, Надал последниот меч го одигра на Вимблдон, кога во второто коло загуби од чешкиот тенисер Лукаш Росол.

Надал поради повредата го пропушти олимпискиот турнир, турнирите од мастер серијата во Торонто и Синсинати, како и последниот грен слем во сезоната, УС Опен. Под знак прашалник е неговото учество и на завршниот Мастерс, кој од 5. до 12. ноември ќе се одржи во Лондон.

„Не играв на Олимписките игри и УС Опен, а тоа беа најважните турнир оваа година на кои сакав да учествувам. Сакам да се вратам на терените, но бидејќи пред себе имам уште неколку години активна кариера, сега е најважно да ги одморам своите колена. Ќе се вратам во моментот кога нема да чувствувам никаква болка. Многу ми е подобро откако разговарав со лекарите и задоволен сум што рехабилитацијата добро напредува и што нема да морам да одам на операција“, рече Надал.

Анхел-Луис Которо, лекарот на Надал, најави дека во вторник ќе одржи прес конференција, на која ќе ги соопшти сите детали поврзани со повредата на шпанскиот тенисер.

03.09.2012 (Макфакс)

Би можело да ве интересира:

15-годишно девојче испиша историја на Олимписките игри со „невозможен“ скок - Која е Камила Валиева? Почнала да лизга на само три години, а на 11 години имала тешка повреда поради к...
Федерер го исполни ветувањето кое му го даде на момче пред 5 години: „Ќе ме чекаш ли да пораснам и д... „Може ли да продолжиш да играш уште 8, 9 години за да можеме да играме заедно ко...
Млад скијач освои сребро на Олимписките игри по страшна сообраќајна несреќа - бил во кома со скршен ... Американскиот скијач Колби Стивенсон кој освои сребро на Олимписките игри во Пек...

Најчитани неделава

sonovnik-sidebar.jpg