Серена победи на УС Опен

Детали

понеделник, 10 септември 2012

Серена Вилијамс ја освои титулата на последниот тениски грен слем во сезоната, Отвореното првенство на САД.

Серена до својата 15-та титула на грен слем турнирите стигна со победата над Викторија Азаренка со 2.1 (6:2, 2:6, 7:5).

Финалниот меч донесе извонреден тенис на најголемата фаворитка на турнирот и првата носителка, Серена до финалето немаше загубено повеќе од четири гема во еден меч и по првиот сет изгледаше дека лесно ќе стигне до титулата.

Меѓутоа во продолжение на мечот Белорусинката играше рамноправно, на моменти беше и подобра од Американката, но не успеа да направи целосен пресврт. Како што го загуби првиот сет, Азаренка го освои вториот, а во третиот прва стигна до брејк.

Серена потоа го врати загубениот сервис, но Азаренка стигна до 5:4, во решавачкиот сет. Помладата Вилијамс, во финишот го подигна нивото на својата игра и до крајот освои три гема, со што стигна до титулата.

10.09.2012 (Макфакс)