Новак Ѓоковиќ стана ѕвезда на нов анимиран филм

Детали

четврток, 02 јули 2015

Еден од најдобрите тенисери на денешницата стана ѕвезда и на еден анимиран филм кој ја раскажува приказната за младото момче кое посакува да победи на Вимблдон.

Во анимираниот филм именуван како „Ајде!“ кој е направен како дипломска работа од страна на младата Полјакина Зузана Жижак, на интересен и емотивен начин е прикажан животот на и кариерата на еден од најдобрите тенисери денес.

Жижак моментално е студира мастер на лондонскиот Универзитет за Уметности и неколку месеци  собирала информации за Новак. Се потрудила да пронајде се за славниот тенисер: од видео снимки со неговите движења на теренот до книги и информации за неговото детство.

Од сите тие информации произлегол нејзиниот 5-минутен анимиран филм кој го прикажува неговиот детски сон, љубовта кон тенисот, тренинзите во Копаоник и поддршката од неговите родители. Што е најважно вистински ја доловува страста кон тенисот и решителноста да се биде успешен професионалец.

„Сакав да ги изразам моите уметнички вештини на тој начин што ќе ја прикажам фасцинантната приказна на Ѓоковиќ и неговиот пат до „Број 1 на Вимблдон“, бидејќи токму тој натпревар зазема посебно место во неговиот живот“ – објаснува Зузана.

Не пропуштајте да го изгледате краткиот филм: