Каде отиде „класата“ од Ел Класико?


Каде отиде „класата“ од Ел Класико?

Постарите фудбалски навивачи (читај луѓе кои гледале фудбал пред појавата на Меси и Кристијано), со голема носталгија ќе се присетат на вистинските фудбалски надигрувања помеѓу Реал Мадрид и Барселона.

Каде-отиде-„класата“-од-Ел-Класико1.jpg

Овие два великана пружаа прекрасни натпревари на кои фудбалот и фудбалските мајстории беа во прв план, а валканата игра во последен.

За жал, денес со појавата на ривалството помеѓу двајцата, во моментов најдобри фудбалери во светот, Лионел Меси и Кристијано Роналдо, и зголемената тензија помеѓу самите градови Мадрид и Барселона, вечното дерби се претвори во најлошиот фудбалски спектакл во светот.

Двата тима гледаат да победат по секоја цена, најчесто користејќи се со највалканите методи, и најодвратните „финти“. Наместо фудбалско надитрување и мајстории, денес гледаме глума, тепање и погрдни зборови. Наместо да се восхитуваме на две легенди кои даваат сѐ од себе, и кои се дискутабилно едни од најдобрите во историјата на фудбалот, ние се расправаме кој добил повеќе пенали, и кој за што добил црвен картон.

Последното убаво за очи Ел Класико ако добро се сеќавам, беше во далечната 2005. Сите се сеќаваат на стоечката овација која ја доби велемајсторот Роналдињо на Сантијаго Бернабеу. За домаќините тогаш настапија: Касиљас, Роберто Карлос, Елгера, Рамос, Салгадо, Гарсија, Бекам, Зидан, Раул, Роналдо и Робињо.

Кај гостите боите на Каталонците ги бранеа: Валдес, Ван Бронкхорст, Маркез, Пујол, Олегер, Едмилсон, Чави, Деко, Меси, Роналдињо и Ето. Натпреварот заврши 0:3 за Барса, и немаше љутиш. Победата беше заслужена, сите во публиката ја поздравија мајсторијата на Роналдињо. Немаше плукање по судиите, немаше глумење, немаше црвени картони и тепачки.

Оттогаш па наваму, не се случило да помине натпревар помеѓу овие две екипи без контроверзија, без плачење од тимовите и навивачите, и без лутење. „Уефалона“и „Уефадрид“ се имињата на двата тима, „Пеналдо“и „Пенси“се клучните играчи. Навивачите се плукаат и колнат. Судиите се главните ликови на секое дерби. Победникот се одлучува по добрата глума.

За жал, сите ние сме виновни за овој срам. Навивачите мора да почнат да гледаат фудбал, а не да додаваат масло во огнот. Играчите мора да научат да се почитуваат, и да се придржуваат до она „фер-плеј“ кое го проповедаат во рекламите на УЕФА. Судиите мора да разберат дека не треба тие да се во центарот на вниманието. Сѐ додека ова не се промени, никогаш нема да видиме добро Ел Класико.

еНВи | Црнобело

Би можело да ве интересира:

Му платија за лекување, прв договор потпиша на салфета - Како Меси беше емотивно поврзан за Барселон... Барселона се понуди да плати за трошоци за негово лекување и на 13-годишна возра...
Заедно се од деца и таа му е најголема поддршка – Сопругата на Меси се огласи по неговото заминување... „Со семејството како основа, повторно ќе излеземе на теренот, посилни од кога би...
Red Bull X-Alps: Најтешката авантуристичка трка на светот е отворена за апликации Секои две години се одржува авантуристичката трка за планинари и параглајдеристи...

Најчитани неделава

sonovnik-sidebar.jpg