На 60-годишна возраст почина фудбалската легенда Диего Марадона од инфаркт

Детали

среда, 25 ноември 2020

Аргентинските и неколку светски медиуми известуваат дека поранешниот фудбалер Диего Марадона починал од инфаркт. Наводно, 60-годишниот Марадона доживеал инфаркт две недели после операција на мозокот.

Фудбалерот ја напуштил болницата на 11-ти ноември. Една недела претходно, тој бил хоспитализиран и му била направена операција на мозокот, пренесуваат аргентинските медиуми.

Според BBC, после операцијата Диего требало да добива и помош за зависност од алкохол.

Diego Maradona has died aged 60.

More to follow: https://t.co/1XvsklB1M6#bbcfootball pic.twitter.com/AGwGgw4RJ0

— BBC Sport (@BBCSport) November 25, 2020

Вестите ги пренесе и Аргентинската фудбалска асоцијација, искажувајќи жалост за смртта на нивната легенда.

Претседателот на Аргентина, Алберто Фернандез, изјави дека ќе има тридневна жалост, а на Twitter го покажа неговото сочувство:

„Нè однесе на врвот. Нè направи многу среќни. Ти беше најдобриот. Ти благодариме што постоеше, Диего. Ќе ни недостасуваш на сите“.

Nos llevaste a lo más alto del mundo. Nos hiciste inmensamente felices. Fuiste el más grande de todos.

Gracias por haber existido, Diego. Te vamos a extrañar toda la vida. pic.twitter.com/pAf38sRlGC

— Alberto Fernández (@alferdez) November 25, 2020

Марадона играше за Barcelona и Napoli, а за Аргентина играше на четири Светски првенства.

Фудбалерот имаше проблеми со зависност од кокаин и во 1991 доби забрана за играње која траеше 15 месеци. Марадона се пензионира во 1997-ма, на неговиот 37-ми роденден.

Диего Марадона беше еден од најдобрите фудбалери од негово време, а победата на Светското првенство во 1986-та е можеби неговото најголемо достигнување во кариерата.

Спирова С. | Црнобело