Новак Ѓоковиќ се огласи по инцидентот во Австралија: „Нема да играм на турнири ако треба да се вакцинирам“

Првпат откако му беше забрането да се натпреварува на Australian Open, Новак Ѓоковиќ прозборе за целата ситуација истакнувајќи дека нема ништо против вакцините, дека бил депортиран бидејќи австралиските власти мислеле дека ќе започне антиваксерско движење во државата, но и дека нема да се натпреварува на турнири ако мора да се вакцинира.

bev-deportiran-bidejkji-mislea-deka-kje-zapochnam-antivaksersko-dvizhenje-novak-gjokovikj-se-oglasi-vo-vrska-so-incidentot-vo-avstralija-01.jpg

Новак Ѓоковиќ се огласи во врска со инцидентот во Австралија, изјавувајќи дека нема да учествува и во други големи натпревари доколку мора да се вакцинира.

34-годишниот тенисер не се натпреваруваше на Australian Open откако австралиската влада му ја поништи визата заради необезбеден соодветен ковид сертификат за влез. 

Сега, во интервју за BBC, Новак откри дека стои на својот став и нема да учествува и во другите големи тениски турнири ако од него бараат да се вакцинира.

„Да, тоа е цената што сум подготвен да ја платам. Бидејќи, принципите за донесување одлуки за моето тело се поважни од која било титула или што било друго“, изјави тенисерот.

bev-deportiran-bidejkji-mislea-deka-kje-zapochnam-antivaksersko-dvizhenje-novak-gjokovikj-se-oglasi-vo-vrska-so-incidentot-vo-avstralija-02.jpg

Новак уште еднаш потврди дека не е вакциниран, но истакнува дека не е „антиваксер“ и дека сепак не ја исклучува можноста да се вакцинира во иднина.

„Никогаш не сум бил против вакцинацијата. Разбирам дека глобално, сите се обидуваат да се справат со вирусот и, надежно, наскоро да го видат крајот на вирусот“.

Тенисерот вели дека како професионален спортист, отсекогаш највнимателно одбирал што ќе внесе во неговиот организам.

„Според информациите што ги добив, одлучив да не се вакцинирам“.

bev-deportiran-bidejkji-mislea-deka-kje-zapochnam-antivaksersko-dvizhenje-novak-gjokovikj-se-oglasi-vo-vrska-so-incidentot-vo-avstralija-04.jpg

Новак побара да биде исклучен од правилото за вакцинација во Австралија наводно поради здравствени проблеми, но и бидејќи го имал прележано вирусот неодамна.

Сепак, се соочи со многу критики и многумина веруваа дека всушност ги лажирал резултатите од тестот за ковид.

„Разбирам дека има многу критики, разбирам дека луѓето имаат разни теории. Милиони луѓе ширум светот се справуваа и уште се справуваат со вирусот.

Јас го сфаќам ова многу сериозно, навистина не сакам некој да мисли дека сум направил нешто за да добијам позитивен тест и да одам во Австралија. Навистина бев тажен и разочаран за она што ми се случи во Австралија. Не беше лесно“.

bev-deportiran-bidejkji-mislea-deka-kje-zapochnam-antivaksersko-dvizhenje-novak-gjokovikj-se-oglasi-vo-vrska-so-incidentot-vo-avstralija-05.jpg

„Луѓето веројатно не знаат дека јас не бев депортиран од Австралија бидејќи не бев вакциниран или бидејќи прекршив некои правила.

Причината зошто бев депортиран од Австралија беше тоа што министерот за имиграција ми ја поништи визата поради неговата перцепција дека јас ќе создадам некое антиваксерско движење во државата или во градот, а јас воопшто не се согласувам со тоа“.

bev-deportiran-bidejkji-mislea-deka-kje-zapochnam-antivaksersko-dvizhenje-novak-gjokovikj-se-oglasi-vo-vrska-so-incidentot-vo-avstralija-03.jpg

BBC сподели дел од интервјуто со Новак само неколку денови откако се дозна дека тенисерот се соочува со слични проблеми за друг турнир – BNP Paribas Open – кој треба да започне на 7-ми март во САД.

Според веб-сајтот на турнирот, вакцините се задолжителни за сите коишто ќе се натпреваруваат:

„Сите учесници мораат да покажат доказ за целосна вакцинација. За да се зачува безбедноста на сите, нема да бидат дозволени никакви исклучоци од ова правило“.

Спирова С. | Црнобело

Би можело да ве интересира:

Бил оставен во манастир како бебе, добил страшна лузна на 2 години – Факти за фудбалерот Франк Рибер... Како бебе бил оставен на скали од манастир, а на 2 години во сообраќајка ќе ја д...
Мајката на Новак Ѓоковиќ ја откри неговата тајна: „Не сакаше ниту да се оперира“ „Новак не сака лекови, не сака да внесува сѐ и сешто во својот организам, се кае...
Федерер го исполни ветувањето кое му го даде на момче пред 5 години: „Ќе ме чекаш ли да пораснам и д... „Може ли да продолжиш да играш уште 8, 9 години за да можеме да играме заедно ко...

Најчитани неделава

sonovnik-sidebar.jpg