Аргентина третпат стана светски фудбалски првак, по тензичниот натпревар против Франција во Катар

Детали

недела, 18 декември 2022

Во последната минута од тензичното финале на Светското првенство во фудбал резултатите беа изедначени, но Аргентина победи во пенал-серијата и со тоа третпат стана светски шампион.

Аргентина е победник на Светското првенство во фудбал што се одржа во Катар, и со тоа по третпат стана светски првак.

Во најтензичниот натпревар на првенството, Аргентина ја победи Франција.

По 90-те минути, натпреварот имаше две продолженија од по 15 минути, како и пенал-серија.

Првото полувреме заврши со резултат 2:0 за Аргентина, а до крајот на второто, резултатот беше изедначен на 2:2.

Двете продолженија од вкупно 30 минути завршија со резултат 3:3.

Аргентина победи во пенал-серијата која помина со резултат 4:2.

Претходно, Аргентина победи на Светското првенство во 1978 и 1986 година.

Спирова С. | Црнобело