Хрватите во фустани, на Португалката нешто ѝ влезе во око, Французинката доби мече како Мистер Бин – Детали од отворањето на Евровизија 2023

Детали

недела, 07 мај 2023

Под мотото „Обединети со музиката“ денес во Ливерпул се одржа свеченото отворање на Евровизија 2023, а претставниците на сите 37 земји учеснички прошетаа на тиркизниот тепих.

Годинешното отворање на Евровизија 2023 во Ливерпул почна со парадата на тиркизниот тепих. 

Дотерани, насмеани и подготвени за забава, претставниците на земјите учеснички со водителите разговараа за Евровизија и ги споделија своите впечатоци од градот домаќин.

фото: YouTube 

Пејачите и нивните тимови потоа се забавуваа додека се фотографираа со фановите, разговараа со новинарите, позираа пред фоторепортерите.

А на крајот отидоа на големата евровизиска журка, која го означи почетокот на евровизиската недела.

На тиркизниот тепих и овојпат имаше сè.

фото: YouTube

Претставничката на Франција, Ла Зара, е голем обожавател на Мистер Бин, па водителите ѝ подарија мече исто како она што го има познатиот телевизиски лик.

Taa се изненади, а потоа јавно го покани актерот Роуан Аткинсон да дојде на 13 мај и да ја гледа додека пее во живо.

фото: YouTube

Лук Блек од Србија на тиркизниот тепих призна дека обожава да се шегува и да кажува глупави вицови, но дека тоа го прави секогаш кога е нервозен.

„Не се шегувам бидејќи сум забавен, туку нервозен и исплашен“, рече Лук.

фото: YouTube

Хрватските претставници „Лет 3“ на тиркизниот тепих дојдоа нашминкани, во фустани со боите на хрватското знаме, голи нозе и во високи потпетици.

Водителот се пошегува дека тој е роден во 1986 година, а и тие како бенд постојат од тогаш, па ги праша зошто сакаат да пеат на Евросонг.

„Сфативме дека Евровизија има најголема публика во светот и ова е одлично место да ја пренесеме нашата порака преку музиката“ – му одговорија.

фото: YouTube

Португалката Мимикет пред да се фотографира се пожали дека нешто ѝ влегло во око, па проба да го извади без да ја размачка шминката.

фото: YouTube

Продолжува на следната страница...