Дечко од Индија има густи влакна по телото поради ретко нарушување – бил жртва на булинг, но сега е инфлуенсер

Детали

недела, 28 мај 2023

Лалит Пател од Индија е 17-годишно момче со ретко нарушување поради кое целото негово лице е покриено со влакна. Денес тој е горд на својата уникатност и е ѕвезда на Инстаграм каде што го следат над 142.000 корисници.

До неодамна, поради својот уникатен изглед, Лалит бил малтретиран и се срамел од себе. Но, сега тој е ѕвезда на Инстаграм каде што има над 142.000 следбеници.

Лалит гордо ја покажува својата уникатност и се надева дека ќе им помогне и на другите кои се поразлични како него.

Младото момче се родило со влакна на телото – нешто што било вистинско изненадување за неговите родители.

Најпрво тие се исплашиле дека станува збор за сериозен проблем, но по преглед лекарот им кажал дека сè е во ред.

Со години неговите родители не знаеле зошто нивното дете има влакна по телото кои наликуваат на крзно. Отишле кај безброј експерти и пробале бројни третмани, но ништо не помагало.

Па, одлучиле само да им кажуваат на сите дека Лалит има некаква вродена мана.

Лалит всушност има хипертрихтоза – генетско нарушување познато и како синдром на врколак.

Синдромот е предизвикан од генетска мутација и досега во светот се забележани само 50-тина вакви случаи.

Лалит открива дека поради густите влакна се соочува со многу предизвици.

Бидејќи влакната делумно му ги покриваат очите, тој не може да гледа добро. Кога, пак, јаде, влакната му одат во устата. Бидејќи има влакна и на носот, Лалит вели дека некогаш му е отежнато и дишењето.

Покрај овие проблеми, во детството Лалит бил жртва на булинг поради својот изглед.

Соучениците се шегувале на негова сметка, па дури и го нарекувале „мајмун“, а некогаш фрлале со камења по него.

Но, Лалит вели дека малтретирањето престанало благодарение на наставничка која застанала во негова одбрана.

Денес Лалит не се чувствува несигурно поради својот уникатен изглед. Тој е најнормален тинејџер кој сонува да стане полицаец.

Популарен е на Инстаграм, а пробува да се пробие и на Јутјуб со гејминг видеа.

Прочитајте и: Страдал од „синдром на врколак“, го третирале како животно – потресната приказна на мажот кој е инспирација за „Убавицата и ѕверот“

Повеќе фотки од Лалит на следната страница...