Потег за осуда: Турист од Ирска се качи на статуа во Брисел и ја скрши (видео)

Детали

четврток, 14 септември 2023

Турист од Ирска ја разгневи јавноста откако се појави видео на кое се качува на статуа во Брисел и притоа ја крши. Неодамна статуата била реставрирана и за тоа се потрошиле над 15.000 евра, но сега повторно ќе треба да се поправа. Однесување за секоја осуда, зарем не?

Се чини дека сè повеќе туристи не само што покажуваат непочитување, туку и уништуваат културни наследства на дестинациите што ги посетуваат.

Годинава еден турист се потпиша на Колосеумот во Рим, а набрзо потоа имаше и жена која бесрамно влезе во фонтаната Треви која исто така се наоѓа во Рим.

Сега, пак, на Твитер се споделува видео од турист кој скрши статуа во Брисел.

Станува збор за статуа со маж и лав, а на видеото се гледа како туристот, кој е од Ирска, се качува на лавот. И, притоа крши дел од статуата.

Инцидентот се случил во неделата, односно на 10-ти септември.

Зградата пред којашто се наоѓа статуата е позната како Bourse, а била отворена за јавност само еден ден пред инцидентот.

Изминатите три години, градбата се реставрирала, а за ова биле потрошени над 77 милиони евра.

И статуата била реставрирана, а за ова биле одвоени над 15.000 евра.

Според едно од лицата одговорни за реставрацијата, поправката ќе чини многу скапо:

„Ќе бидат потребни многу пари бидејќи статуата ќе треба да ја поправат вистинските експерти. Статуата е културно наследство.

Би сакале брзо да завршиме со поправките, но сигурно ќе бидат потребни неколку недели, па можеби и месеци.

Целата градба беше реставрирана, вклучувајќи ги и двете статуи на влезот кои беа во лоша состојба. Мислевме дека луѓето ќе покажуваат поголема почит кон статуите. Многу е тажно што се случи ова“.

Не е познато дали туристот ќе биде казнет, но наводно бил уапсен додека седел во ресторан за брза храна во близина на статуата.

Погледнете го видеото:

Спирова С. | Црнобело