„Осамени богати мажи ми плаќаат за да контактираме - глумам дека сум им девојка, еден ме стави во тестамент“

Детали

недела, 01 октомври 2023

Чар Борли од Англија работи како професионална девојка. Односно, осамени богати мажи ѝ плаќаат огромни суми за да се допишуваат со неа, да си разменуваат фотки и, генерално, да им прави „виртуелно друштво“.

Чар Борли е поранешен модел за магазинот Playboy, а сега вели дека работи како „професионална девојка“ – необична професија за која тврди дека ѝ носи над 50.000 евра месечно.

40-годишната Чар се однесува како да им е девојка на клиентите. Односно, се допишуваат, си испраќаат фотки и видеа како секој обичен пар и се слушаат по телефон.

Чар не се гледа со мажите во живо, туку целата интеракција се одвива онлајн.

Или, како што вели самата, го нуди целото искуство што би се имало со девојка, но без физички контакт.

Нејзините клиенти обично се осамени и богати мажи, а таа нуди неколку „пакети“.

На пример, наплаќа околу 1.000 евра неделно за секојдневно да зборува со некој клиент по телефон, како да му е девојка.

„Мажите ми плаќаат да им бидам девојка на еден ден, една недела, па дури и еден месец. И сето ова се случува онлајн.

Можат да ми напишат што сакаат на мојот приватен телефонски број и достапна сум за нив 24/7.

Повеќето само сакаат да зборуваат за тоа како им поминал денот, или да имаат виртуелно друштво“.

Чар вели дека некои мажи оделе „предалеку“ за да покажат колку се среќни од услугата.

„Еден маж потроши над 30.000 евра во еден месец за мене. Откако поразговаравме и подобро се запознавме, тој како да стана зависен од мене, па ме додаде и во неговиот тестамент“.

Чар има и друга професија – работи како личен тренер, а вели дека наплаќа и до 2.000 евра на час за личен тренинг.

Поранешниот модел има 22-годишна ќерка за која вели дека ја поддржува, дури и кога објавува провокативни фотки на Инстаграм.

Иако Чар вели дека е задоволна од заработката, професијата како „професионална девојка“ ѝ создавала проблеми во љубовниот живот.

Поради нејзините половина милион следбеници на Инстаграм, ѝ било тешко да скрие што работи.

„На почетокот не им кажувам на мажите за мојата кариера, но скоро сите со коишто почнувам да се гледам знаат што работам.

Па, не знам дали да ме гледаат како фантазија или како вистинска личност. Затоа, сега не барам љубов“.

Истовремено, Чар се соочувала и со невкусни коментари на улица, барем на почетокот кога почнала да се прославува.

„Кога одам во родниот град, луѓето ми мислат добро.

Но, на почетокот ме гледаа со омраза и ме навредуваа, поради што се чувствував засрамено. Ми велеа дека сум немала почит кон себе.

Еден период навредите беа толку интензивни, што воопшто не излегував од дома“.

Спирова С. | Црнобело