„Ангелот на смртта“ - Жена од САД отворила клиника за гладни деца во Уганда, ги лекувала без лиценца и убила над 100

Од 2010 до 2015 година, во центарот биле згрижени 940 дечиња, од кои починале 105. Голем дел од нив умирале уште во првите 48 часа откако биле згрижени во центарот.

Некои од поранешните волонтери тврдат дека Рене одела дотаму што ги терала очајните родители да не бараат лекарска помош на друго место, туку да ја остават неа да ги лекува нивните деца.

Во многу случаи, на дечињата не им била потребна само храна, туку и лекарска помош која Рене не им ја овозможувала.

„Не беа само гладни, имаа сериозни болести. Пневмонија, паразити во стомакот, туберкулоза, многу од нив имаа и ХИВ во поодмината фаза…“, открива волонтерка која работела во клиниката.

Ситуацијата била толку лоша, што секоја недела умирало по барем едно детенце.

Кога клиниката на Рене почнала да се соочува со многу критики, властите во Уганда ја затвориле, а Рене се вратила во САД.

Во 2019-та, Рене била тужена од семејства на децата кои починале во нејзината клиника.

Следната година, се согласила да им исплати одредена сума.

Во 2021-ва уште четири семејства ја тужеле Рене. Тие истакнале дека во моментот кога ги однеле децата во нејзината клинка, воопшто не биле свесни дека таа не е лекар и не смее да ги лекува.

Наводно, дел од судските битки уште траат, а Рене сè уште е на слобода.

Таа живее во САД со две деца што ги посвоила од Уганда и наводно само дала ветување дека нема да се враќа во земјата обидувајќи се да помогне.

За случајот на Рене има и документарец на HBO, насловен Saviour Complex (комплекс на спасител):

Спирова С. | Црнобело