Се родила без раце, мајка ѝ ја оставила во сиропиталиште: Приказната на инспиративна девојка од САД

Детали

недела, 19 ноември 2023

„Луѓето го кажуваат она што сакат да го кажат, а од вас зависи како сакате да одговорите... Се трудам да имам позитивен, смешен поглед на мојата ситуација“, објаснува Дебора, девојка со ретко нарушување поради кои нема раце, а чија мајка ја оставила во сиропиталиште бидејќи не сакала да се грижи за неа.

Дебора Дал е родена со ретка состојба и била напуштена од нејзината мајка. Но, и покрај трагичниот живот во нејзините рани години, Дебора не се откажала и сака да ја сподели својата приказна со светот, а притоа да ја подигне свеста за фокомелија, состојба која таа ја има од раѓање.

Всушност, болеста предизвикува рацете и нозете да не растат правилно, што често резултира со недоволно развиени екстремитети, токму како оние на Дебора.

Наместо да ѝ помогне на нејзината ќерка да живее без раце, мајката на Дебора одбивала да ја однесе дома од болница, и на крајот ја напуштила.

Во следните четири и пол години, малото девојче останало во сиропиталиште, сè додека едно семејство од САД не одлучило да ја посвои.

Тогаш започнал вистинскиот живот на Дебора, кога првпат почувствувала независност, со нежно охрабрување од нејзиното ново семејство.

Започнувајќи со едноставни задачи, жената која ја посвоила ја охрабрила да користи четка за коса – прва во тогашните нејзини шест години.

Како млада девојка, брзо сфатила дека може да ги користи нејзините стапала како раце, па објаснува: „Ги користам стапалата за да ги отворам вратите, да земам чаша од шкафот, да ја исправам косата“.

Таа нашла начини да живее со својата попреченост, но потешко ѝ било да ги избегне суровите коментари или погледите од другите деца.

Не ѝ помогнало ниту напуштањето на училиштето, а Дебора добивала груби коментари и во обичното секојдневие.

И покрај сите тие коментари и необични погледи, Дебора донела храбра одлука да направи ТикТок канал, насловен „Deborah Look No Hands“.

Со охрабрување од нејзиното семејство, вклучувајќи ги сопругот Нејтан и синот Метју, Дебора собрала над 400.000 следбеници, едноставно од прикажување на нејзиниот секојдневен живот.

Докажувајќи дека ништо не може да ја спречи, оваа мајка на својот канал редовно ги споделува и омилените рецепти.

@deborah.look.no.hands

Replying to @Nelly 😍🙏 i love food! #looknohands #food

♬ This Is How We Do It - Montell Jordan

Откако прочитала еден особено грд коментар, во кој ја споредуваат со Т-рекс (тираносаурус рекс), таа одлучила да се пошегува на своја сметка и да одговори со урнебесно видео.

Дебора ставила ракавици кои изгледаат како раце на Т-рекс, а видеото брзо станало вирално.

„Луѓето го кажуваат она што сакат да го кажат, а од вас зависи како сакате да одговорите… Се трудам да имам позитивен, смешен поглед на сето тоа“, објаснува таа.

Дебора се надева дека ќе ги застапува оние како неа со разлики во екстремитетите, велејќи: „Можеби еден ден некое дете со разлика во екстремитетите ќе 'скрола' низ ТикТок и ќе каже: ’Ох, гледај, таа личи на мене!‘“.

Повеќе од секојдневието на Дебора:

Дебора ги средува алиштата

@deborah.look.no.hands

Laundry day🤪#looknohands #choresinthishouse

♬ HOOLIGANG - Joey Valence & Brae

Дебора може и да пишува

https://www.tiktok.com/@deborah.look.no.hands/video/7243615921623862571

Дебора се снаоѓа и во кујната...

@deborah.look.no.hands

It was way faster ! #looknohands

♬ Sunrise - Official Sound Studio

М. Ѓ | Црнобело