Ги изгубил нозете на 5 години, ја искачил Килиманџаро со инвалидска количка: Инспиративната приказна на Спенсер Вест

Детали

среда, 27 декември 2023

Харизмата и динамиката на Спенсер Вест од САД ги плени сите. Споделувајќи го своето животно патување – од моментот кога ги изгубил двете нозе како дете, до искачувањето на планината Килиманџаро користејќи ги рацете и инвалидската количка, зборовите и постапките на Спенсер поттикнаа милиони луѓе ширум светот да станат, да се соочат со предизвиците и да ги прифатат промените.

Спенсер Вест, роден на 7 јануари 1981 година, е американски мотивациски говорник и застапник за попреченост. Вест ги изгубил нозете кога имал само пет години, а притоа се соочил со огромни физички и емоционални предизвици.

Наместо да се откаже и да се повлече во себе, Вест научил дека со поврзувањето со другите и настојувањето да го направи светот подобро место за живеење, може да го трансформира својот живот.

Харизмата и динамиката на Спенсер ги плени сите. Споделувајќи го своето животно патување – од моментот кога ги изгубил двете нозе како дете, до искачувањето на планината Килиманџаро користејќи ги рацете и инвалидската количка, зборовите и постапките на Спенсер поттикнаа милиони луѓе ширум светот да станат, да се соочат со предизвиците и да ги прифатат промените.

Проследени со хумор, мотивациските говори на Спенсер нудат совети и животни лекции за тоа како да се најдат можности во секој предизвик, истовремено влевајќи надеж и поттикнувајќи ги и лидерите да ги мотивираат другите да создадат позитивни промени. Неговите инспиративни зборови допираат до милиони слушатели ширум светот.

„Треба да престанеме да гледаме на пречките како негативни работи. Цврсто верувам дека ни се дадени пречки за да ни помогнат да учиме и да растеме како поединци.

Мислам дека е важно со секој предизвик со кој се соочуваме, да направиме чекор назад и да погледнеме што требало да научиме од тоа. И понатаму, како може да ја споделиме таа лекција со другите“, вели Спенсер.

Покрај неговата попреченост, Вест се соочувал уште со еден поголем животен предизвик: Признавањето дека е хомосексуалец.

Во една пригода, Спенсер има изјавено:

„Мислам дека повеќето луѓе претпоставуваат дека физичката попреченост е мојот најголем предизвик. Но, тоа е погрешно. Кога имав 21 година имав храброст и свесност да кажам дека сум геј. Тоа беше мојот најголем предизвик“.

Вест вели дека е благодарен што сите во животот му давале голема поддршка, но признава дека не сечија приказна е таква. Затоа, тој е активист, многу се залага и е голем поддржувач на ЛГБТ+ заедницата.

Во продолжение погледнете како изгледаат некои секојдневни активности на Спенсер:

Како Спенсер ја средува облеката

Како Спенсер ја декорира новогодишната елка

Како се вози автомобил без нозе?

М. Ѓ. | Црнобело