Исповед на жена: „Родена сум од сурогат мајка – Како тоа се одрази врз мојот живот?“

Детали

четврток, 11 јануари 2024

„Моите родители беа многу богати и живеевме во прекрасни палати. Материјално не ми фалеше ништо, но на емотивен план, приказната беше поинаква“ – раскажува една Французинка, која уште во 90-тите години била родена со помош на сурогат мајка. За разлика од повеќето вакви случаи, девојката била зачната со јајце клетки на сурогат мајката.

Оливија Маурел е жена од Франција која била родена од сурогат мајка, а на своите профили на социјалните мрежи зборува против оваа постапка и во подолга статија за Daily Mаil раскажа како тоа што доцна во животот дознала за своето потекло за малку ќе ѝ го уништело животот.

За разлика од големиот број деца кои денес се раѓаат со сурогат мајка, во кои мајката го носи ембрионот зачнат од биолошките родители, Оливија била зачната со јајце-клетките на нејзината сурогат мајка, која по породувањето само го предала бебето на нејзините богати родители.

Французинката која денес е мајка на 3 деца раскажува дека отсекогаш ѝ било чудно тоа што била родена во Кентаки, САД, кога нејзиното семејство е од Франција, а живееле делумно и во Флорида.

Мајка ѝ ѝ раскажала дека Кентаки било местото каде што се одвивало дејствието во филмот Gone With The Wind, па таа сакала нејзиното дете да се роди на романтична локација, па дури и ѝ го дала името според нејзината омилена актерка во филмот - Оливија де Хавиланд.

„Моите родители беа многу богати и живеевме во прекрасни палати со голем број дадилки и послуга. Моето образование беше најдоброто што може да се купи со пари, одевме на одмори за какви што поголемиот број луѓе можат само да сонуваат. Материјално не ми фалеше ништо, но на емотивен план, приказната беше поинаква“ – раскажува таа.

Оливија тврди дека додека била дете, чувствувала дека нејзините родители не ѝ искажуваат љубов и дека меѓу нив не постои поврзаност.

„Мајка ми имала 49 години кога сум се родила, па можеби заради возраста ѝ било тешко – или, пак, заради недостатокот на биолошка врска меѓу нас. Без разлика која е причината, меѓу нас не постоеше никаква поврзаност“ – раскажува Оливија.

Како што растела, оваа жена почнала да ги спојува парчињата од сложувалката и почнала да се сомнева дека е родена од сурогат мајка, а кога во тинејџерските години сфатила дека нејзините родители многу долго ја лажат, работите почнале да излегуваат од контрола.

„Осамена и збунета тргнав, по патот на самоуништување. Пиев неконтролирано, постојано одев на забави и користев дроги само за да не размислувам за работите што ме опседнуваа: ‘Дали мајка ми воопшто ми е мајка? Која сум јас?’“ – раскажува таа.

Ваквото однесување продолжило сѐ додека на 20 години Оливија не била силувана додека била пијана, по што одлучила дека треба да побара помош од психолог.

Продолжува на следната страница...