Родителите го испратиле во друг град за да ги разделат: Детали за врската на Брижит и Емануел Макрон

Детали

сабота, 24 февруари 2024

Поради возрасната разлика, Брижит и Емануел Макрон се соочиле со критики уште на почетокот на нивната врска. Родителите на Макрон, пак, го испратиле и во друг град со цел да ги разделат, но безуспешно.

Уште од самиот почеток, врската на Емануел и Брижит Макрон наиде на низа критики поради разликата од 24 години.

Кога се запознале, Емануел имал само 15 години, но тоа не било пречка за него да се заљуби во тогаш неговата наставничка и менторка.

Брижит тогаш имала 40 години, а кога родителите на Емануел дознале за симпатиите кои ги има за неа, решиле да го испратат во Париз, каде што го запишале во друго училиште, сè со цел да го оддалечат од неа.

Брижит во интервју откри дека всушност и таа била поддржувач на идејата тој да се школува во Париз, со цел да се заљуби во девојка на негова возраст, но тоа не се случило.

Брижит има откриено дека ја напуштила работата и дека единствена грижа во тој момент биле нејзините три деца, односно нивната иднина и како врската со нејзиниот ученик би влијаела на нив.

Брижит Макрон има три деца – Тифен Озиер, Лоренс Озиер-Журдан и Себастиен Озиер и сите се речиси врсници на нејзиниот сопруг Емануел Макрон.

„Можете само да замислите што мораа да слушаат, но не сакав да се каам за ништо подоцна

Многу луѓе ме избегнуваа на почетокот на нашата врска, сешто ми се зборуваше зад грб, а моите браќа и сестри ја презедоа улогата на заштитници и родители кои повеќе ги немав.

Сепак, сето тоа беше залудно, бидејќи кога нешто цврсто ќе одлучам, тогаш го правам тоа“, има изјавено таа.

Парот е во брак од 2007 година, а нивните блиски пријатели велат дека се сакаат како и првиот ден.

Брижит признава дека нејзиниот сопруг сè уште ја изненадува и му се восхитува на неговата импресивна меморија и интелигенција.

„Имав многу брилијантни студенти, но никој немаше такви способности. Секогаш му се восхитував“, истакнува Брижит.

Инаку, биографијата на францускиот претседател Емануел Макрон чиј автор е француската новинарка Гаел Чакалоф открива многу детали за неговата врска со Брижит Макрон .

Според она што е напишано, тие се многу поврзани, имаат заеднички распоред и знаат од минута во минута што прави другиот.

Тие се убедени дека нивната врска ја подобрува нивната индивидуалност. 

Макрон ѝ се јавува на сопругата на секој час и половина и за сè одлучуваат заедно.

„Зборуваат кога и колку можат, дење и ноќе. Нејзината канцеларија се наоѓа во женското крило на приземјето на Елисејската палата, а неговата е на првиот кат, па често се гледаат“, стои во биографијата.

В. К. | Црнобело