„Шетаат боси во канцеларија, одат голи во сауна: Што ме изненади најмногу кај Финците?“

Детали

среда, 31 јануари 2024

„Она што не го знаев сè додека не се преселив таму е дека културната норма е во сауната да се влезе целосно гол“ – Хорхе Рејес од Колумбија се преселил во Финска, но вели дека доживеал вистински културен шок.

Младиот Хорхе Рејес одлучил родната Колумбија да ја замени за Финска и да се пресели таму, затоа што сакал да живее во земјата каде што луѓето се најсреќни.

Ова 27-годишно момче вели дека одлучил да се пресели во Финска без претходно да ја посети.

Хорхе тврди дека бил подготвен за екстремните климатски услови и студеното време, но други работи го оставиле сосема збунет.

„Кога се преселив во Финска од Богота, Колумбија, искусив сосема поинаков животен стил од оној на кој бев навикнат.

Знаев дека треба да очекувам голема промена во времето, но имаше и голем број други изненадувања попатно“ – изјави Хорхе.

Во продолжение погледнете кои 6 работи го оставиле збунет:

Финците не носат чевли во канцеларија

Во некои земји е сосема вообичаено да ги соблечете чевлите кога влегувате во нечиј дом, но Финците ова правило го наметнуваат и во најголем дел од канцелариските простори.

„Кога се преселив во Финска, не зедов чорапи со мене, затоа што доаѓав од потопла клима. Потоа морав да одам да купам нови, забавни чорапи од различни ткаенини и дизајни за на работа.

Луѓето низ светот водат сметка за стилот на облеката, но во Финска се води сметка и за стилот на чорапите“ – вели Хорхе.

Во сауна се оди гол со пријатели и колеги

Во Финска, сауните се нешто највообичаено. Речиси секој има сауна во домот или во зградата каде што живее или, пак, во корпоративните згради.

„Она што не го знаев сè додека не се преселив таму е дека културната норма е во сауната да се влезе целосно гол. Луѓето ќе зборуваат и ќе се дружат во сауната, целосно голи.

Тоа е нормално затоа што таму голото тело не се смета за табу. Луѓето имаат голема почит и се мошне културни, па нема зјапање или непримерни погледи“ – раскажува Хорхе.

Неопходно е да купите добри ролетни и завеси

Во некои делови во Финска, јули и август речиси и да нема ноќ и сонцето постојано грее. Дури и во 2 часот по полноќ има сонце. Затоа, Хорхе вели дека на почетокот не му било јасно зошто Финците се опседнати со добри завеси и ролетни.

„Набрзо сфатив дека без добра заштита на прозорците, може да биде тешко да заспиете. Морав да ставам дополнителни завеси за да можам да спијам“ – вели тој.

Продолжува на следната страница...