Се разведоа, но и по 28 години сѐ уште живеат заедно – Дали најскандалозната кралска двојка пак ќе стапи во брак?

Но, сите знаат дека и покрај тоа што Сара и Ендрју се разведоа во 1996-та година, тие двајца сѐ уште се во пријателски односи и сѐ уште живеат заедно.

Иако Сара има свој имот во Лондон, таа кога е таму престојува заедно со нејзиниот поранешен сопруг во Royal Lodge, кој е дел од Виндзор.

Во една пригода, таа изјави:

„Ние сме најсреќниот разведен пар во светот. Ние се разведовме еден со друг, а не еден од друг“.

Ендрју беше покрај поранешната сопруга и ѝ даде поддршка во периодот кога таа се бореше со ракот на дојка и мораше да ѝ биде направена мастектомија. Таа престојуваше во неговиот дом, а тој ѝ помагаше со закрепнувањето.

Сара постојано застанува во одбрана кога Ендрју заради неговата поврзаност со осудениот педофил Џефри Епстин и јавно ги отфрла сите обвинувања упатени на негова сметка.

„Додека кралицата беше жива, ние двете се трудевме да му помогнеме да го помине овој период. Ние сме мошне цврсто семејство и никој не може да го скрши семејството Јорк“ – рече таа.

Со оглед на тоа што тие живеат заедно и покрај тоа што се разведени, постојано кружат гласини дека е можно најскандалозниот пар во британското кралство семејство пак да застане пред олтар.

„Ние заедно се грижиме за нашите деца, се поддржуваме и веруваме дека семејството е сѐ. Горда сум на тоа што го постигнавме заедно, како ги воспитавме нашите деца и тоа што издржавме како цврсто семејство.

Тоа го постигнавме со комуникација, компромис и сочувство“ – рече Сара.

За скандалите што ја „тресеа“ Сара и за нејзиниот проблематичен однос со принцезата Дијана, можете повеќе да прочитате ТУКА. 

Б. С. Б. | Црнобело