Баба му на Чарлс двапати го победила ракот и живеела до 101 година – Дали болеста е „проклетството“ на кралското семејство?

Детали

вторник, 06 февруари 2024

Баба му имала две операции заради рак, а двајца дедовци биле „покосени“ од болеста. Ракот не е ретка дијагноза во британското кралско семејство. Кои предци на Чарлс се бореле со ракот и колку долго живееле?

Во сите светски медиуми веднаш беше пренесена веста дека кралот Чарлс Трети (73) боледува од рак, што бил откриен за време на неговата операција заради зголемена простата.

Но, иако прогнозите засега се позитивни, тој не е првиот член на британското семејство кој ќе води битка со злокобната болест.

Во продолжение да погледнеме кои други членови на кралското семејство се бореле со болеста:

Кралицата мајка

Мајката на кралицата Елизабета, која е позната под титулата кралицата мајка, и која му е баба на Чарлс двапати успеала да го победи ракот и живеела до 101 година.

Според официјалната биографија, во декември 1966-та година таа имала 90-минутна операција за да ѝ се отстрани тумор од дебелото црево.

Околу 18 години подоцна, таа имала уште една операција за отстранување на тумор од градите. И покрај двете операции, кралицата мајка живеела долго, до возраст од 101 година.

Таа живеела 50 години повеќе од нејзиниот сопруг, кралот Џорџ Петти, и важи за вториот најдолговечен член на кралското семејство.

Едвард Осми

Едвард Осми бил чичко на кралицата Елизабета, односно, брат на нејзиниот татко, а ќе биде запаметен по тоа што абдицираше од тронот за да може да се ожени за Американката Волис Симпсон во 1936-та година.

Тој починал од рак на грлото во 1972-ра година, на возраст од 72 години.

Кралот Џорџ Шести

Таткото на кралицата Елизабета и дедо на Чарлс, кралот Џорџ Шести на престолот дошол во 1936-та, а владеел сѐ до неговата смрт во 1952-ра на возраст од 56 години.

Се верува дека тој имал рак на белите дробови како последица на долготрајното консумирање тутун.

Една година пред смртта, лекарите му го отстраниле левото белодробно крило со цел да го спасат од болеста.

Прочитајте и Нострадамус предвиде дека владеењето на Чарлс ќе биде кратко – По дијагнозата со рак, Вилијам ги презема сите обврски

Б. С. Б. | Црнобело