Има 39 години, потекнува од Иран – Која е новата Мис Германија (и зошто ја критикуваат)?

Детали

вторник, 12 март 2024

Годинешната победничка за избор на Мис Германија има 39 години, работи како архитект, има дете, а има и своја организација преку која им дава глас на жените од малцинствата. Зошто е критикувана?

Изборот за Мис на светот е најпопуларниот натпревар за убавина во кој учествуваат 100-тина држави.

Пред големиот настан, секоја држава прави свој избор, а победничката на овогодишниот натпревар во Германија предизвика лавина реакции онлајн.

Факт е дека за „мисици“ обично се избираат млади девојки, најчесто во раните 20-ти, и сите задоволуваат некои стереотипни стандарди за убавина.

Апаме Шенауер е жената што е избрана за Мис Германија 2024, има 39 години, мајка е и работи како архитект.

На изборот кој се одржа кон крајот на февруари немало возрасна граница, а според многумина, победничката е вистинско освежување од досегашните победнички кои неретко изгледаат речиси исто.

Апаме Шенауер дефинитивно е инспирација за многу девојки и жени кои не ги исполнуваат стандардите за убавина наметнати од околината, кои неретко се нереалистични и недостижни.

Апаме е всушност доселеник во Германија и потекнува од Иран. Со семејството се преселиле кога имала шест години, а вели дека ѝ било навистина тешко да се адаптира во новата околина.

Црпејќи инспирација од своето искуство, Апаме се залага за поголеми права за жените како неа, жени кои се доселеници и им е тешко да се привикнат на новата средина или не се прифатени од околината.

Таа има и добротворна организација позната како Shirzan (храбра жена, лавица) преку кој им помага на жените од малцинства.

Апаме ги охрабрува да ги споделат нивните приказни, а со тоа да ја сфатат својата вредност, но и да им помогнат на другите во слична положба.

Интересно е што натпреварот за избор на Мис Германија значително се разликува од оној во другите држави, и тоа уште од 2019 година.

На овој натпревар, повеќе не се става фокус на физичката убавина и никој не ги оценува девојките според тоа колку се згодни.

Наместо тоа, победничката се избира во зависност од нејзиниот карактер и она што го направила во животот.

А, годинава финалистките беа навистина импресивни жени. Една од нив е со ретка автоимуна болест, додека друга има срце од донор.

Годинава беше тргната и возрасната граница, па најстарата финалистка имаше 42 години.

Кратко по победата, победничката сепак се соочи со критики, особено од луѓе од Германија.

Според некои, не била доволно Германка за да ја претставува Германија, додека на други не им се допаѓа нејзиниот изглед, а некои дури и ја споредуваат со вештерката од Снежана.

Продолжува на следната страница...