Нервоза, раздразливост, но и личен развој: Што ќе ни донесе Лунарната еклипса (која трае до 8 април)?

Детали

понеделник, 25 март 2024

Дали деновиве се чувствувате раздразливи, нервозни, постојано подготвени да се расправате со сите, иако за тоа можеби нема причина? Според астролозите, вината треба да ја барате во Лунарната еклипса која почнува денес (25 март 2024) и ќе трае до 8 април...

Астролозите предвидуваат големи промени кај повеќето луѓе во наредните денови. Според нив, причината за тоа е Лунарната еклипса, која почнува денес (25 март) и ќе предизвика хаос во првите денови од нејзината појава.

Според австралискиот астролог Наташа Вебер, во текот на првите денови може да очекувате „непредвидени случувања, шокови и личен развој“.

Но, до крајот на овој период, кој ќе заврши на 8 април, работите и нема да бидат толку лоши.

„Треба да се ослободите од старото за да можете да го прифатите новото. Лунарната еклипса ќе влијае и во глобални рамки, но и во личните животи на луѓето.

Во овие денови не треба да се плашите да го побарате тоа што мислите дека го заслужувате, или да го изразите своето мислење без оглед на последиците - бидете храбри во однос на околината и поискрени кон себе“, вели таа.

Некои луѓе ќе имаат тешкотии при комуникацијата, проблеми со технологијата или промена во нивните планови за патување.

Од друга страна, по 1 април, многу луѓе ќе почувствуваат психичко олеснување, ќе добијат интересна понуда за работа (или хонорарен ангажман), можност за личен развој (ќе почнат курс или обука поврзана со работата).

Во средината на Лунарната еклипса, на 1 април, ќе почне и првиот ретрограден Меркур оваа година и ќе трае до 24 април.

Според Вебер, ретроградниот Меркур ќе го засили влијанието на она што ви се случува во деновите на Лунарната еклипса: ако чувствувате негативни влијанија, тогаш тие ќе бидат уште понегативни, а доколку сте од оние кои минуваат низ позитивна фаза, тогаш вашите денови ќе бидат уште поубави.

А. Ј. | Црнобело