Пораснала во бегалски камп, хиџабот ѝ е заштитен знак - Животната приказна на манекенката Рауда Муамед

Детали

сабота, 25 мај 2024

Рауда има 11 браќа и сестри. Со семејството избегала од граѓанска војна, а позната е по тоа што е еден од ретките модели со хиџаб и не го вади ни за ревии, ни за фотосесии.

Сомалиско-норвешката манекенка Рауда Мухамед на познатиот филмски фестивал во Кан се појави закопчана во впечатлива комбинација со хиџаб на главата и ги воодушеви сите присутни со својата убавина.

Рауда никогаш не го трга хиџабот, ниту за модни ревии, кампањи или фотосесии за насловни страници на списанија, а тоа стана нејзин заштитен знак. 

Нејзината животна приказна е многу инспиративна.

33-годишната убавица има единаесет браќа и сестри, а детството го поминала во бегалски камп во Кенија. 

Нејзините родители избегале од граѓанската војна во Сомалија додека била многу мала.

Кога имала 8 години, заедно со семејството се преселила да живее со баба ѝ во Осло и работите станале полесни. 

Уште како тинејџерка покажала голем интерес за модата, а во 2016 година почнала да објавува фотографии од своите комбинации на Инстаграм, каде брзо собрала 141.000 следбеници. 

Во 2019 година станала професионален модел и започнала да работи за брендови како Max Mara, додека истовремено студирала психотерапија.

Во 2021 година успеала да стане и модна уредничка на скандинавското издание на „Vogue“, што е првпат во историјата жена со хиџаб да дојде на чело на моден магазин од „западот“.

Таа повеќе не е на таа позиција, но и понатаму активно се занимава со моделинг и мода на социјалните мрежи, а исто така е активна во борба за подобра положба на жените во исламскиот свет и се труди да докаже дека носењето хиџаб е религиски избор.

Откако француската влада најави дека носењето хиџаб ќе биде забрането во Францијa, таа одговори со селфи и натпис на дланката кој гласи: „Тргни ги рацете од мојот хиџаб“.

На седмата вечер на 77. Канскиот филмски фестивал, на премиерата на филмот „The Apprentice“ присуствуваа бројни ѕвезди од светскиот џет-сет, а Рауда особено се истакна на црвениот тепих.

Рауда носеше светлосина креација изработена од текстурирана ткаенина со впечатливи детали. Целиот стајлинг го надополни со очила за сонце.

Повеќе нејзини фотографии погледнете на следната страница...